web counter
LEXO PA REKLAMA!

SHKARKO APP

App Store
Google Play

E fundit!

x

Integrimi/ Dhuka: Viti 2026, gur kilometrik për anëtarësimin e vendit në BE

20 Janar 2026, 12:06, Aktualitet CNA

Integrimi/ Dhuka: Viti 2026, gur kilometrik për anëtarësimin e

Ministrja e Shtetit dhe kryenegociatorja e Shqipërisë për integrimin në Bashkimin Europian, Majlinda Dhuka, ka mbajtur sot fjalën e saj në një konferencë për shtyp për fazën e re të negociatave me BE-në.

Dhuka shprehet se 2026 është një vit i rëndësishëm për anëtarësimin e vendit. Ajo shtoi më tej se në konferencë do të prezantohet një paketë prej 12 nismash ligjore, që sipas saj lidhen me sundimin e ligjit, shtetin e së drejtës, zbatimin më të mirë të reformës në drejtësi, mbrojtjes nga diskriminimi, mbrojtjes së familjes, etj.

Ndër të tjera shprehet se në këtë paketë është e përfshirë dhe një risi që është dekriminalizimi për veprën penale të shpifjes ndaj gazetarëve.

“Në 2025 Shqipëria i çeli negociatat për të gjitha fushat, 33 kapituj, në 17 nëntor çelëm negociatat për 5 kapitujt e fundit. 2026 është një vit i rëndësishëm, gur kilometrik në anëtarësimin e vendit. Me aspiratën e madhe që në 2027 të kemi arritur gjithë përgatitjet për mbylljen e negociatave. Është një punë komplekse, por edhe shumë pozitive sa i përket transformimit europian të vendit.

Midis çeljes së negociatave dhe mbylljes, Shqipëria duhet të japë një test aftësie, si në pikëpamje të vullnetit politik, ashtu edhe të institucioneve. Për këtë duhet të përgatitet për një numër reformash dhe praktikat e vendeve anëtare. Ky test njihet si përmbushja e kushteve të ndërmjetme. Fusha në të cilën Shqipëria duhet të japë këtë test aftësie, është shteti i së drejtës dhe sundimi i ligjit. Jemi sot këtu për të prezantuar një paketë të rëndësishme prej 12 nismash ligjore, që lidhen me sundimin e ligjit, shtetin e së drejtës, zbatimin më të mirë të reformës në drejtësi, mbrojtjes nga diskriminimi, mbrojtjes së familjes e me radhë duke provuar se shteti ka aftësitë për të mbrojtur shtetasit e vet.

Paketa ka në përmbajtje 6 projektligje të propozuara nga qeveria dhe 6 që janë inicuar nga Kuvendi i Shqipërisë. Paketa garanton proges në tri grupe: në luftën ndaj krimit, në lidhje me barazinë dhe drejtësinë sociale dhe në masat për parandalimin e korrupsionit. Kjo paketë ka një numër përafrimesh me ligjin e BE-së të ligjit shqiptar. Kjo paketë sjell një numër risish, për herë të parë Shqipëria dekriminalizon veprën penale të shpifjes ndaj gazetarëve”, tha Dhuka. /CNA





Lajmet e fundit nga