web counter
LEXO PA REKLAMA!

SHKARKO APP

App Store
Google Play

E fundit!

x

Dënimi i Irena Gjokës në Greqi/ Prokuroria e Përgjithshme: Vendimi është autentik

20 Janar 2026, 12:19, Aktualitet CNA

Dënimi i Irena Gjokës në Greqi/ Prokuroria e Përgjithshme:

Prokuroria e Përgjithshme ka përfunduar verifikimin për gjyqtaren Irena Gjoka duke miratuar rezultatet dhe duke i dërguar ato në KLGJ.

“Mbi bazën e kërkeses së Komisionit të Zhvillimit të Karrierës në Këshillin e Lartë Gjyqësor, më datë 08.05.2024 në Sektorin e Dekriminalizimit të Prokurorisë së Përgjitshme është regjistruar me nr.40 procesi per verifikimin e thelluar të deklarimeve të bëra në Formularin e Vetëdeklarimit date 22.04.2016, për subjektin Irena Gjoka(Shpata, Maneku), gjyqtare në Gjykatën e Posaçme Kundër Korrupsionit dhe Krimit të Organizuar. Pas kryerjes së të gjitha verifikimeve të mundshme brenda dhe jashtë vendit, më datë 19.01.2026, Prokuroria e Përgjithshme ka vendosur miratimin e rezultateve të verifikimit, vendim të cilin po këtë datë ja ka përcjellë Këshillit të Lartë Gjyqësor si organ përgjegjës për verifikimin e kushteve të ndalimit në zbatim të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, dhe Vendimit të Kuvendit nr.17/2016 “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, njofton Prokuroria e Përgjithshme.

Prokuroria e Përgjithshme, gjatë verifikimit të fakteve për dënimin e Irena Gjokës në Greqi, ka theksuar se në bazë të përgjigjes së autoriteteve në lidhje me kërkesën e institucionit të drejtësisë, rezulton se vendimi për dënimin e saj është autentik.

Dënimi i Irena Gjokës në Greqi/ Prokuroria e Përgjithshme:

Po ashtu gjatë procesit të verifikimit është konfirmuar se pasaporta figuron në grupin e pasaportave të lëshuara më datë 16.06.1998 nga Drejtoria e Policisë Qarku Fier./ CNA





Lajmet e fundit nga