web counter
LEXO PA REKLAMA!

SHKARKO APP

E fundit!

x

Veliaj, tjetër "thikë" Ramës/ I rikthen Dokushin në bashki

20 Janar 2026, 13:43, Aktualitet CNA

Veliaj, tjetër "thikë" Ramës/ I rikthen Dokushin

Me një vendim, Gjykata Administrative ka rikthyer në detyrë njeriun e besuar të kryebashkiakut të arrestuar të Tiranës, Erion Veliaj, krahun e djathtë të tij, i shkarkuar me urdhër të Ramës, Alban Dokushin.

Ashtu si Veliaj, me gjyqe e skema të ndryshme, edhe njerëzit e tij hapin procese duke refuzuar vendimet e Ramës dhe duke i qëndruar përballë, duke ngulur një thikë pas shpine ndaj Kryeministrit.

Si në rastin e Veliajt, ku pas arrestimit, kryeministri Edi Rama vendosi të komandojë në krye të Bashkisë Tiranë Anuela Ristanin dhe më pas e shkarkoi në mbledhjen e Asamblesë së PS-së, Veliaj e kundërshtoi dhe me një vendim Gjykata Kushtetuese e riktheu në detyrë.

Po ashtu edhe në rastin e Dokushit, krahut të djathtë të Veliajt, i cili u hoq me firmën e Anuela Ristanit dhe tani me një vendim të Gjykatës Administrative rikthehet në detyrë.

I besuari i Veliajt u pushua nga puna në mars të vitit 2025. Vendimi u firmos nga e emëruara e Ramës në krye të Bashkisë së Tiranës, Anuela Ristani.

Për Dokushin masa ishte më e fortë pasi në dokument theksohej se ndaj tij është marrë vendimi për Lirim nga Shërbimi Civil./ CNA





Lajmet e fundit nga