web counter
LEXO PA REKLAMA!

SHKARKO APP

App Store
Google Play

Një fëmijë i prapë si Meta/ Kreu i PL-së tregon si ‘arratisej pa nam e nishan' nga shtëpia

6 Nëntor 2022, 20:56, Aktualitet CNA
Një fëmijë i prapë si Meta/ Kreu i PL-së tregon si
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka treguar mbrëmjen e sotme për aventurat e fëmijërisë, i cili mesa duket ka qenë një fëmijë i prapë.

Meta ka rrëfyer në emisionin "Dola te Ola" se kur ka qenë i vogël është larguar disa herë nga shtëpia për 3-4 ditë pa i treguar prindërve.

“Ka qenë një fëmijëri e jashtëzakonshme, në një moshë të tillë bëhet dhe më e fortë, mban mend kujtimet më të mira, dashuria për prindërit, gjyshërit.

Më shumë i lidhur kam qenë me fshatin, me Skraparin, dhe pavarësisht se kemi ardhur shumë shpejt në Tiranë, pa bërë ende një veç, unë shkoja shpesh në fshat.

Në Tiranë të dy prindërit e mi kanë qenë mësues, ishin shumë kërkues edhe donin që unë të shkëlqeja, dhe atë lirinë time e gjeja kur ikja larg tyre, në hapësira të tjera.

Madje ka dhe raste të jashtëzakonshme kur kam ikur nga shtëpia pa lajmëruar prindërit, tre-katër ditë, ishte dashuria shumë e madhe për fshatin, gjyshërit, dhe lirinë që gjeja atje. Edhe në verë rrallë shkoja në plazh me prindërit dhe motrën”, u shpreh kreu i PL-së./ B.A. – CNA.al





Lajmet e fundit nga