web counter
LEXO PA REKLAMA!

SHKARKO APP

App Store
Google Play

"Ministri i propagandës zhduk burimet"/ Ish nënkryetari i AMA-s “shuplakë” qeverisë

6 Nëntor 2022, 14:18, Aktualitet CNA

"Ministri i propagandës zhduk burimet"/ Ish nënkryetari i

Kryeministri Edi Rama ka përgënjeshtruar lajmet nga mediat për shkurtimin me 5 herë të sasisë së naftës së çdo komisariat.

“Mëkëmbësi” i tij Endri Fuga gjithashtu ka qënë mjaft aktiv në rrjetet sociale në mbështetje të faktit se ky lajm është i rremë.

Së fundmi për këtë çështje ka reaguar edhe ish nënkryetari i AMA-s, Sami Neza, i cili përmes një statusi në Facebook, është shprehur se ministri i propagandës ka zhdukur burimet e dyta, nga ku gazetarët mund të konfirmojnë më tej informacionet që u vinë në dokumentat e firmosura nga vetë drejtori i policisë.

 “Nuk e ditka Fuga që burimin e dytë e ka kyçur!!

Ministri i propogandës nuk e ditka që në vend po ai ka zhdukur burimin e dytë, ai nuk ekziston.

Kë duhej të pyeste gazetarja si burim të dytë, veç dokumentit zyrtar firmosur nga shefi i policisë. Në këtë rast gazetarja duhet vetëm të verifikojë nëse ka numër protokolli dhe të shqyrtojë në terren zbatimin e tij nëse ka nisur të zbatohet dhe që duhet ta bëjë sot. Nëse ajo ju pyet ju se dokumenti është i vërtetë apo jo do i thoni prisni pak dhe do telefononi pronarin e tv apo pronarin e kompanisë që i keni dhënë tenderin 7 fish për të çuar një pjesë të parave te tv që të heqë lajmin.

Bezat do e vriste lajmin me duart e veta.

Sa mirë që nuk është futur në këtë kurthin e dy burimeve, ku i dyti manipulon të parin dhe i pari është urdhëruar të mos flasë.”- shkruan ish nënkryetari i AMA-s, Sami Neza./CNA.al

 





Lajmet e fundit nga