web counter
LEXO PA REKLAMA!

SHKARKO APP

App Store
Google Play

E fundit!

x

Kuintalë me drogë/ Gjebrea reklamon “Bana King”

6 Nëntor 2022, 14:16, Aktualitet CNA
Kuintalë me drogë/ Gjebrea reklamon “Bana King”
Foto ilustruese

Me datë 3 nëntor, falë një aksioni të policisë, u kap sërish drogë në Portin e Durrësit.

Sasia prej 33.5 kilogramë kokainë, u gjet në arkat me banane të “Bana King”, për të cilën u shoqëruan 8 persona, tre prej të cilëve ndodhen në burg.

Kuintalë me drogë/ Gjebrea reklamon “Bana King”
Droga e gjetur në arkat e "Bana King"

Gjithashtu policia ka shpallur në kërkim Trifon Murataj, president i kompanisë pritëse të ngarkesës me banane.

Pavarësisht këtij skandali, moderatori Ardit Gjebrea vijon të reklamojë “Bana King”, në të cilën brenda një viti janë kapur rreth 152.5 kilogramë kokainë në total dhe 49 arka të zhdukura.

Kuintalë me drogë/ Gjebrea reklamon “Bana King”
Ardit Gjerbrea reklamon "Bana King"

Në prag të vitit të ri, më 31 dhjetor të 2021-shit policia organizoi operacionin e koduar “Romanati”.

Blutë ndaluan në Romanat të Durrësit një kamion që transportonte një kontenier të ngarkuar me banane nga porti i Durrësit, për një magazinë në Vaqarr. Brenda saj u gjetën plot 119 kilogramë kokainë të nisura nga Amerika Latine.

Kuintalë me drogë/ Gjebrea reklamon “Bana King”
Foto ilustruese

Për këtë rast u arrestuan Lavdosh Zerba dhe Julian Merhori, punonjës në doganën e Durrësit dhe Bujar Qyrku punonjës i AKU-së me akuzën se lejuan që të kalojë kamioni i “Bana King” me kokainë, teksa në skaner nuk u konstatua droga. Por pavarësisht ngjarjes së bujshme, ata u lanë të lirë.

Kuintalë me drogë/ Gjebrea reklamon “Bana King”
Droga në Bana King, foto ilustruese

Kur u duk se çështja u zbeh dhe u la në harresë, një tjetër operacion nxori sërish emrin e “BanaKing” në kronikat e zeza.

Më 18 korrik të këtij viti, blutë informuan mediat se për zhdukjen e 49 arkave banana nga kontejneri i “BanaKing”, të cilat dyshohet se kanë pasur brenda kokainë.

Ngarkesa kishte mbërritur në portin e Durrësit në datën 8 korrik. Por prej 10 ditësh askush nga kompania nuk ishte paraqitur për të marrë porosinë, deri në ditën ku kontejneri u konstatua i hapur. Ngarkesa ishte nisur nga Kolumbia, më pas ishte ndalur në Spanjë, Itali e në fund në Durrës.

Për këtë u shoqëruan 20 punonjës të sigurisë portuale dhe kompanisë “Bana King”, por edhe kjo ngjarje mbeti në hije.

Kuintalë me drogë/ Gjebrea reklamon “Bana King”
Ardit Gjerbrea reklamon "Bana King"

Sot, për të tretën herë, pa mbushur një vit, mediat u informuan për një tjetër ngarkesë me drogë në bananet e “BanaKing”. Operacioni i koduar quhet “Again”, ndërsa policia është kujdesur të mos përmendë emrin e kompanisë së cilës i përkisnin arkat me banane që vinin nga Ekuadori.

Pra, në total kemi 152.5 kilogramë kokainë dhe 49 arka të zhdukura të “BanaKing”./ CNA.al

 





Lajmet e fundit nga