web counter
LEXO PA REKLAMA!

SHKARKO APP

App Store
Google Play

Nis shpërndarja e materialeve zgjedhore në Pogradec

10 Maj 2025, 12:05, Aktualitet CNA

Nis shpërndarja e materialeve zgjedhore në Pogradec

Ka nisur shpërndarja e materialeve zgjedhore në KZAZ nr. 70 të qytetit të Pogradecit. Grupet e komisionerëve të qendrave të votimit janë paraqitur pranë KZAZ-së për të tërhequr materialet zgjedhore. Kryetari i KZAZ nr. 70, Mandi Mekolli, deklaroi se procesi ka nisur që në orën 09:00 dhe pritet të përfundojë brenda pak orësh. Materialet do të shpërndahen në 7 njësitë administrative të bashkisë.

Nis shpërndarja e materialeve zgjedhore në Pogradec

“KZAZ nr. 70, Bashkia Pogradec, ka nisur shpërndarjen e materialeve zgjedhore. Si fillim shpërndajmë zonat më të largëta, si Njësia Administrative Velçan, Proptisht, Trebinjë, më pas Udënisht, Cërravë, Buçimas dhe Pogradeci. Procesi nisi që prej orës 9 të mëgjesit. Është përfunduar ndarja e materialeve zgjedhore në Velçan e Proptisht, po fillojmë me Trebinjën dhe çdo gjë ecën normalisht. Deri tani ska asnjë problematikë, të gjithë komisionerët janë paraqitur. Nuk ka qendra të reja votimi, Kzaz 70 ka 106 QV sa ka patur herën e kaluar. Me IEVP Pojskë kemi informacion se presin vendimin e gjykatës për personat të cilët u jepet e drejta për të votuar. Pasi të na vijë vendimi i gjykatës do ta protokollojmë për të bashkangjitur dhe listën e votuesve të dhënë nga gjykata e do të jepet e drejta për të votuar në qendrën më të afërt të votimit, nr 39/36”,-tha Kryetari i KZAZ nr. 70, Mandi Mekolli.

Ndërkohë, për herë të parë pritet të votojnë edhe gratë që vuajnë dënimin në Institucionin e Vuajtjes së Dënimit në Pojskë. Gjykata ka dalë me një vendim përkatës dhe pritet që ky vendim të komunikohet zyrtarisht pranë KZAZ-së./CNA





Lajmet e fundit nga