web counter
LEXO PA REKLAMA!

SHKARKO APP

App Store
Google Play

E fundit!

x

Nga marrëveshja me Slloveninë te miratimi i disa projektligjeve/ Vendimet e reja të Këshillit të Ministrave

15 Korrik 2026, 21:47, Aktualitet CNA

Nga marrëveshja me Slloveninë te miratimi i disa projektligjeve/

Këshilli i Ministrave ka zhvilluar sot mbledhjen e radhës ku ka marrë disa vendime dhe ka miratuar disa projektligje.

Bëhet me dije se qeveria ka miratuar në parim marrëveshjen ndërmjet Republikës së Shqipërisë dhe Republikës së Sllovenisë, për punësimin dhe sigurimet shoqërore.

Gjithashtu ka vendosur autorizimin e ministrit të Drejtësisë për të negociuar drejtpërdrejt me subjektin ndërkombëtar G37 Chambers, për ofrimin e shërbimit të konsulencës, për ndjekjen në vazhdimësi të zbatimit të rekomandimeve prioritare në luftën kundër kriminalitetit, për vitin 2026.

Ndër të tjera është marrë vendimi për procedurën e shpalljes publike të pasurive kulturore që zbulohen në det, vendimi për përdorimin e Fondit të Rindërtimit për financimin e rindërtimit të banesave individuale në bashkitë Kurbin dhe Shijak.

Qeveria ka vendosur dhe hapjen e Ambasadës së Republikës së Shqipërisënë Dublin, Republika e Irlandës.

Ndërkohë në mbledhje janë miratuar edhe disa projektligje të cilat janë:

-Projektligji “Për disa ndryshime në ligjin Nr.9662, datë 18.12.2006, “Për bankat në Republikën e Shqipërisë”.

-Projektligji “Për disa ndryshime dhe shtesa në ligjin Nr.133/2013, “Për sistemin e pagesave”

-Projektligjii “Për disa ndryshime dhe shtesa në ligjin Nr.55/2020 “Për shërbimet e pagesave”. /CNA





Lajmet e fundit nga