web counter
LEXO PA REKLAMA!

SHKARKO APP

App Store
Google Play

E fundit!

x

Muaji i Shenjtë i Ramazanit në CNA TV/ Gazetari Ferdinand Samarxhi sjell ciklin special të intervistave

18 Shkurt 2026, 12:28, Aktualitet CNA

Muaji i Shenjtë i Ramazanit në CNA TV/ Gazetari Ferdinand Samarxhi

Me rastin e fillimit të muajit të shenjtë të Ramazanit, gazetari i mirënjohur, Ferdinand Samarxhi, i dekoruar me titullin “Mjeshtër i Madh” nga Presidenti i Republikës së Shqipërisë, do të shoqërojë besimtarët myslimanë me një cikël ekskluziv intervistash dhe bisedash shpirtërore. Programi special për muajin e bekuar të Ramazanit do të transmetohet çdo ditë në ekranin e CNA TV në orën 20:00.

Ky rrugëtim mediatik do të shtrihet nga kjo e mërkurë, 18 shkurt deri më 20 mars 2026, duke përfshirë një gjeografi të gjerë të trojeve shqipfolëse. Samarxhi do të sjellë zërin e krerëve më të lartë fetarë, teologëve dhe intelektualëve nga Tirana, Elbasani, Prishtina, Shkupi, Ulqini dhe Gostivari.

Në qendër të emisioneve do të jenë mesazhet e paqes, harmonisë dhe vlerave njerëzore që mbart ky muaj, me të ftuar specialë si Kryetari i KMSH-së, Bujar Spahiu; Kryegjyshi Botëror, Haxhi Dede Edmond Brahimaj; Myftiu i Kosovës, Naim Tërnava dhe shumë personalitete të tjera. Cikli do të kulmojë me emisione të dedikuara për Natën e Kadrit dhe festën e Fitër Bajramit.

CNA TV mbetet gjithmonë pranë komuniteteve fetare, duke transmetuar emisione dhe mbulime "live" që promovojnë bashkëjetesën dhe vlerat shpirtërore.

Ndiqni çdo mbrëmje në CNA TV, në orën 20:00, për të përjetuar atmosferën dhe urtësinë e Ramazanit përmes bisedave të gazetarit Ferdinand Samarxhi./CNA

 





Lajmet e fundit nga