web counter
LEXO PA REKLAMA!

SHKARKO APP

App Store
Google Play

E fundit!

x

Amendamenti për Kodin Penal/ Delegacioni i BE: Monitorojmë çdo nismë legjislative për gjyqësorin

17 Shkurt 2026, 19:10, Aktualitet CNA

Amendamenti për Kodin Penal/ Delegacioni i BE: Monitorojmë çdo

Delegacioni i BE në Tiranë ka reaguar për Euroneës,  në lidhje me amendamentin e qeverisë për Kodin e Procedurës Penale.

Në reagimin e bërë, delegacioni thotë se BE vlerëson dhe monitoron çdo nismë legjislative që lidhet me gjyqësorin. Më tej, në reagim thuhet se çdo nismë duet të jetë në përputhje me standardet europiane dhe me arritjet e BE-së.

Delegacioni thotë se lufta efektive kundër korrupsionit është me rëndësi jetike për përparimin e Shqipërisë drejt anëtarësimit.

 

“BE-ja monitoron dhe vlerëson çdo nismë legjislative që lidhet me gjyqësorin në të gjitha vendet kandidate, përfshirë Shqipërinë. Këto nisma pritet të jenë në përputhje me acquis të BE-së dhe standardet evropiane. Kjo përfshin edhe zbatimin e reformës në drejtësi të vitit 2016 në kuadër të negociatave të anëtarësimit të Shqipërisë në BE. Shteti i së drejtës dhe pavarësia, llogaridhënia dhe efikasiteti i gjyqësorit në Shqipëri janë elemente themelore të procesit të zgjerimit të BE-së. Retorika që nxit mosbesim publik ndaj gjyqësorit dhe ndaj pavarësisë, paanshmërisë dhe integritetit të sistemeve gjyqësore dhe prokuroriale është kundërproduktive. Siç kemi deklaruar më parë, është përgjegjësi e Kuvendit të Shqipërisë të trajtojë pa vonesë kërkesat për heqjen e imunitetit të anëtarëve të tij. Lufta efektive kundër korrupsionit është me rëndësi jetike për përparimin e Shqipërisë drejt anëtarësimit në BE”, thuhet në reagimin e BE./CNA





Lajmet e fundit nga