web counter
LEXO PA REKLAMA!

SHKARKO APP

App Store
Google Play

E fundit!

x

Projektligji për pezullimin e ministrave/ KE: Parlamenti të adresojë pa vonesë kërkesat për heqje imuniteti

17 Shkurt 2026, 21:47, Aktualitet CNA

Projektligji për pezullimin e ministrave/ KE: Parlamenti të

Komisioni Europian ka reaguar ditën e sotme në lidhje me amendamentin për ndryshimin e Kodit Penal të propozuar nga qeveria sa i përket pezullimit të ministrave.

Në reagimin e bërë, KE thotë se Parlamenti ka përgjejgësi të adresojë pa vonesë kërkesat për heqjen e imunitetit të anëtarëve të tij.

Komisioni shprehet se llogaridhënia dhe efikasiteti i gjyqësorit janë thelbësorë për procesin e zgjerimit të BE-së.

 

Reagimi i KE

 

BE-ja po ndjek nga afër ndryshimin e propozuar të Kodit të Procedurës Penale të paraqitur më 16 shkurt.

BE-ja monitoron dhe vlerëson çdo iniciativë legjislative që lidhet me gjyqësorin në të gjitha vendet kandidate, përfshirë Shqipërinë. Këto iniciativa duhet që të jenë në përputhje me acquis të BE-së dhe standardet evropiane.

Kjo përfshin edhe zbatimin e reformës në drejtësi të vitit 2016 në kontekstin e negociatave të pranimit të Shqipërisë në BE. Sundimi i ligjit pavarësia, llogaridhënia dhe efikasiteti i gjyqësorit në Shqipëri janë elementë themelorë të procesit të zgjerimit të BE-së.

Retorika që mbjell mosbesim publik tek gjyqësori, në pavarësinë, paanshmërinë dhe integritetin e sistemit gjyqësor dhe atij të prokurorisë është kundërproduktive.

Siç është thënë tashmë, është përgjegjësi e Parlamentit të Shqipërisë të adresojë pa vonesë kërkesat për heqjen e imunitetit të anëtarëve të tij. Luftimi efektiv i korrupsionit është me një rëndësi të madhe për progresin e Shqipërisë drejt anëtarësimit në BE./CNA





Lajmet e fundit nga