web counter
LEXO PA REKLAMA!

SHKARKO APP

App Store
Google Play

E fundit!

x

Meta ankohet nga qelia: Tualetin e kisha pa drita, më shpuan bidonat 20 litër të ushtrimeve fizike

14 Prill 2026, 16:44, Aktualitet CNA

Meta ankohet nga qelia: Tualetin e kisha pa drita, më shpuan bidonat 20

Kreu i Partisë së Lirisë, Ilir Meta është drejtuar sot me një letër të hapur ndaj Komitetit të Helsinkit, lidhur me disa ankesa për kushtet në të cilat ndodhet në Burgun 313 në Tiranë.

Sipas Metës, ka disa “mistresllëqe” në sjellja dhe nga ana e shërbimeve nëpër qeli, siç veçopi mungesën e energjisë elektrike në tualetin e qelisë apo edhe mungesa e një palestre për ushtrime fizike.

“Të nderuar anëtarë të Komitetit të Helsinkit!

Jam i detyruar, për arsye se sot në mënyrë tërësisht absurde m’u pengua që këtë letër drejtuar Kryetares së Komitetit të Helsinkit të Shqipërisë, Znj. Skëndaj, t’ja përcillja  me firmën time përmes shërbimeve të IEVP-së “Jordan Misja”, pranë drejtuesve të Partisë së Lirisë, që prisnin për orë të tëra përjashta.

Meqënëse, kjo u pamundësua, atëherë jam i detyruar që ta bëj publike për të gjithë.

Në radhë të parë ju falenderoj që pas 18 muajsh dërguat përfaqësuesin tuaj, Z. Zylyftar Bregu të Komitetit të Helsinkit, të më vizitonte në qelinë time, këtu te IEVP “Jordan Misja”.

Së dyti, ju falenderoj se vetëm pas konstatimit nga ana e përfaqësuesit tuaj, se në tualetin e kësaj qelie nuk kishte drita, menjëherë erdhën elektriçistët dhe i vendosën, pasi këtë punë nuk i lejonin ta bënin që nga 23 tetori 2024, kur unë u bëra banor i IEVP-së që mban një emër Heroi si Jordan Misja.

Sigurisht që kjo është një neglizhencë “e vogël”, të cilën unë se kam ngritur kurrë publikisht, pasi këto sjellje ordinere nuk më habisin e shqetësojnë, por as përfaqësuesi juaj nuk do ta besonte po ta thoja publikisht pa e parë me sytë e tij.

Mistrecllëqe të tilla ka dhe shumë të tjera, që përfaqësuesi juaj mund t’jua thotë juve siç është edhe shpimi i bidonave plastikë prej 20 litrash për të më cënuar sado pak mua ushtrimet fizike në qeli, meqënëse këtu nuk ka palestër”,-theksohet ndër të tjera në letër./CNA





Lajmet e fundit nga