web counter
LEXO PA REKLAMA!

SHKARKO APP

App Store
Google Play

Meningjiti në Durrës/ Ministrja Koçiu: S’ka vend për panik, janë marrë masat

14 Shkurt 2025, 15:46, Aktualitet CNA

Meningjiti në Durrës/ Ministrja Koçiu: S’ka vend për

Ministrja e Shëndetësisë, Albana Koçiu, së bashku me drejtoreshën e ISHP, Eugena Tomini dhe shefja e Epidemiologjisë në ISHP, Silva Bino kanë folur për situatën e meningjitit në vend, nisur nga rasti i paraqitur në Spitalin e Durrësit. Silva Bino deklaroi se është kryer profilaksi te pjestarët e ngushtë të familjes së të infektuarit, po ashtu dhe në shkollat e mesme, çka shkon një në 35.000 raste mund të shfaqet meningjiti.

Meningjiti në Durrës/ Ministrja Koçiu: S’ka vend për

"Ne kemi kryer profilaksi me antibiotikë për 99 persona, për pjesëtarët e ngushtë për të parandaluar nga ndonjë mbartës familjar përhapjen e mëtejshme. Kemi bërë dhe kontakte mesatare që janë klasa, mësuesit, punonjësit shëndetësor dhe për të gjithë këta është kryer profilaksia. Mundësia për t’u infektuar në klasa te kontaktet shkollore fillore është 1 në 13 mijë raste. Pra ne kemi shkuar shumë larg, deri në shkollat e mesme që shkon nga 1 person në 35 000 raste që mund të shfaqet. Pra për të patur një siguri maksimale e kemi zgjeruar profilaksinë e kontakteve në një shkallë shumë të madhe. Kështu që nuk ka nevojë për panik”, theksoi Bino.

Meningjiti në Durrës/ Ministrja Koçiu: S’ka vend për

Ministrja Koçiu u shpreh se janë marrë masat, nuk ka vend për panik dhe pse e ka quajtur të drejtë shqetësimin e prindërve. Koçiu bëri thirrje për vizitë të menjëhershme te mjeku për çdo shenjë që mund të shfaqet.


“Prandaj duhet vizita menjëherë tek mjeku i familjes për çdo shenjë dhe të mos neglizhohen simptomat”, tha ministrja./CNA





Lajmet e fundit nga