web counter
LEXO PA REKLAMA!

SHKARKO APP

App Store
Google Play

“I është bërë presion nga jashtë”/ Tomorri: Edi Rama ka ndryshuar tonin e tij ndaj SPAK

13 Shkurt 2025, 19:08, Aktualitet CNA

“I është bërë presion nga jashtë”/ Tomorri:

Gazetari Klodian Tomorri tha sot se ndryshimi i qëndrimit të Edi Ramës ndaj SPAK ka lidhje me ndonjë presion që i është bërë personalisht atij nga jashtë.

Gjatë diskutimit në një emision televiziv, Tomorri u shpreh se, Rama ka ndryshuar tonin e tij ndaj SPAK, për arsye të tjera.

Tomorri shtoi se një arsye tjetër mund të jetë frika personale, që mund të jetë, jo personalisht me Ramën, por për familjarët e tij të cilët mund të  kenë hesape me drejtësinë.

“Unë e kam shumë të vështirë ta besoj se Edi Rama u tërhoq nga presioni pozitiv i BE-së për çështjen e çeljen së kapitujve, sepse ky është njeriu që e ka mbajtur Shqipërinë me vite të tëra për një kryetar të këshillit të qarkut të Fierit, që thoshte na jepni mandatin dhe e mbajti vendin 3 vite peng.

Kështu që Edi Rama nuk ka hallet e presioneve se nuk, do të të fusim në BE. Kam përshtypjen se atë ku ta gjejë, që të vazhdojë të jetojë në këtë sulltanatin e tij të pakontrolluar.

Arsyet se, pse Edi Rama ka ndryshuar tonin e tij ndaj SPAK, unë prirem të mendoj se janë të tjera.

Ndoshta ka bërë kalkulime elektorale të vetat dhe ka menduar se është më mirë të mos ketë një përplasje ballore me SPAK.

Një arsye tjetër mund të jetë frika personale, që mund të jetë, jo personalisht me Ramën, por për familjarët e tij të cilët mund të  kenë hesape me drejtësinë.

Ose në rastin e presionit nga jashtë, do të ishte më i prirur të besoja për atë presionin undeground dhe që nuk ka lidhje me çelje kapitujsh, apo avancim negociatash, por ka lidhje direkt me personin.

Ndoshta mund të ketë ardhur një presion i kësaj natyre nga jashtë’,- tha Klodian Tomorri./CNA





Lajmet e fundit nga