web counter
LEXO PA REKLAMA!

SHKARKO APP

App Store
Google Play

E fundit!

x

Skandali, Policia e Shtetit vuri në rrezik jetën e gjyqtarëve dhe prokurorëve

14 Shkurt 2025, 11:09, Aktualitet CNA

Skandali, Policia e Shtetit vuri në rrezik jetën e gjyqtarëve dhe

Policia e Shtetit është përfshirë në skandal. SPAK dhe GJKKO përmes një shkrese të dërguar Ervin Hoxhës dhe Ilir Prodës zbulon se Policia e Shtetit me një sjellje të paprecedentë dhe të papranueshme ka vënë në rrezik jetën e prokurorëve dhe gjyqtarëve gjatë protestës së administratës me urdhër përpara SPAK. Në shkresë po ashtu thuhet se vartësit e Prodës kanë refuzuar bashkëpunimin me Gardën e Republikës, e cila ka kërkuar marrjen e masave për ruajtjen e perimetrit të sigurisë.

“Përveç sa më sipër, institucioneve të sipërcituara, ju është bërë me dije një tjetër fakt i rëndësishëm mbi situatën e datës 12.02.2025, që ka qenë vështirësia e lëvizjes së gjyqtarëve qoftë gjatë zhvillimit të seancës gjyqësore, e cila u rëndua gjatë mbrëmjes, ku protestuesit jo vetëm kanë penguar gjyqtarët të dalin nga ambientet rrethuese të gjykatës, por edhe kur kanë tentuar të dalin, automjetet shoqëruese të tyre janë qëlluar nga ana e protestuesve, duke sharë dhe ofenduar gjyqtarët dhe prokurorët. Kjo situatë ka sjellë që edhe pas përfundimit të seancës gjyqësore dhe shpalljes së vendimit, protestuesit kanë izoluar nëpërmjet rrethimit të gjithë gjyqtarët dhe stafin administrativ, të cilëve dukshëm iu cenuar siguria për jetën dhe shëndetin e tyre. Pavarësisht fakteve të mësipërme, si dhe në kundërshtim me dispozitat ligjore të parashikuara në ligjin “Për policinë e shtetit”, nga ana e Policisë së Shtetit, e cila ka si mision parësor ruajtjen e rendit e të sigurisë publike, garantimin e zbatimit të ligjit, në përputhje me Kushtetutën dhe aktet ndërkombëtare, duke respektuar të drejtat dhe liritë e njeriut, nuk ka pasur asnjë reagim nga ana e saj për të bashkëpunuar me Gardën e Republikës së Shqipërisë, duke treguar një indiferentizëm të pashpjegueshëm në ndjekjen dhe parandalimin e kësaj situate e cila mund të rrezikonte seriozisht jetën dhe shëndetin e gjyqtarëve dhe personelit administrativ. Kjo apati institucionale përbën padyshim një cenim të rëndë të pavarësisë së gjyqësorit”, thuhet në shkresë./ CNA





Lajmet e fundit nga