web counter
LEXO PA REKLAMA!

SHKARKO APP

App Store
Google Play

E fundit!

x

Policia pengoi prokurorët dhe gjyqtarët në ushtrimin e detyrës, SPAK dhe GJKKO: Të merren masa

14 Shkurt 2025, 11:20, Aktualitet CNA

Policia pengoi prokurorët dhe gjyqtarët në ushtrimin e

Prokuroria dhe Gjykata e Posaçme në një shkresë të dërguar disa institucioneve, si Ministria e Brendshme, Policia e Shtetit, apo KLGJ janë shprehur se me neglizhencën e treguar, institucioni i drejtuar nga Ilir Proda i ka penguar në ushtrimin e detyrës.

Po ashtu SPAK dhe GJKKO kanë kërkuar të merren masa administrative ndaj personave përgjegjës të Policisë së Shtetit, të cilët kanë neglizhuar kërkesën e Gardës në protestën e urdhëruar të administratës së bashkisë.

“Nëpërmjet mosveprimeve të saj, Policia e Shtetit ka kontribuuar në pengimin e Gjykatës së Posaçme në ushtrimin e funksioneve të saj kushtetuese dhe ligjore për të gjykuar në një ambient të sigurt dhe të qetë si dhe për të garantuar jetën dhe shëndetin e gjyqtareve dhe personelit administrativ. Nëpërmjet shkresës më sipër, Gjykata e Posaçme e Shkallës së Parë për Korrupsionin dhe Krimin e Organizuar, i është drejtuar Ministrisë së Brendshme dhe Drejtorisë së Përgjithshme të Policisë së Shtetit, që të marrin masat e duhura për vënien përpara përgjegjësisë administrative apo ligjore, të gjithë personat përgjegjës të Policisë së Shtetit, të cilët nuk kanë marrë masat e duhura, në zbatim të ligjit, për të shmangur apo monitoruar këtë situatë të paprecedentë. Po ashtu, kjo gjykatë ka kërkuar që t’i vihet në dispozicion e gjithë procedura ligjore e ndjekur dhe planin e masave që janë marrë në rastet e ngjashme sikurse gjatë protestave të datave 6.12.2024 dhe 06.01.2025, si dhe një shpjegim i argumentuar dhe me prova pse nuk është ndjekur e njëjta praktike edhe në rastin e incidentit të datës 12.02.2025”, thuhet në shkresë./ CNA





Lajmet e fundit nga