E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

SERIE A DHE CHAMPIONS LEAGUE ME SUPERDUELE VENDIMTARE/ DITË PLOT ADRENALINË NË TRING SPORT

14 Shkurt 2025, 15:38, Aktualitet CNA

Në TRING SPORT na presin ditë plot adrenalinë dhe emocione sportive. Në Serie
A, 2 super ndeshje brenda një fundjave. Teksa lufta për titull sa vjen e bëhet më e
ashpër dhe Interi ndjek hap pas hapi Napolin, të dy kryesuesit e kampionatit kjo
fundjavë i gjen në 2 përplasje vendimtare.

Në “Stadio Olimpico”, Napolin të shtunën e pret Lazio. Për të besuarit e Antonio
Konte rruga drejt titullit duket se kalon nga kryeqyteti, ndërkohë që Baronit dhe
të tijëve u duhet fitorja që paraprin “Zonën Champions”.

Ndërsa të dielën vjen sfida e shumëpritur, Superderbi i Italisë, ai mes Juventusit
dhe Interit, që mbledh para ekranit miliona tifozë gjithkund ku futbolli është
pasion. Sepse Juve-Inter është më shumë se një ndeshje, më shumë se një derbi,
është gjak që vlon në vena, është rivalitet i përjetshëm dhe këtë sezon është edhe
më përcaktues. Ndaj, të dielën në 20:45, të gjithë sytë nga Tring Sport 1 për një
eksperiencë të pakrahasueshme sportive.

Por fundjava elektrizuese e Serie A është vetëm parantezë e asaj që na pret në
mesjavë në kanalet e Tring Sport, sepse të martën dhe të mërkurën,
madhështorja Uefa Champions League “zbarkon” me gjithë fuqinë e saj, në dy
mbrëmje vendimtare për të përcaktuar fatin e 16-të skuadrave që po përplasen
në Playoff. Vendet për në 1/16-at janë vetëm 8 dhe nga ndeshjet e raundit të
parë që u luajtën javën e kaluar shumëçka ka mbetur ende e hapur. Nëse duket se
Dortmundi, Paris SG dhe Bayern i Mynihut e kanë vulosur matematikisht
kualifikimin, edhe pse matematika nuk është siguri absolute, të tjera ekipe
legjendare presin mesjavën e 18-19 shkurtit për të parë të përmbyllet një
rrugëtim i mundimshëm dhe sfidues.

Ne Sansiro, nje sfidë për jetë a vdekje, kuqezinjte e Milanos kërkojnë me cdo
kusht përmbysjen që do të thotë kualifikim. Ndërkohë që pas një një ndeshjeje
spektakolare në raundin e parë, Madridi mirëpret supersfidën vendimtare.
Gjithçka është ende e hapur, sidomos kur në fushë zbresin dy superfuqi të
futbollit kontinental si Real Madrid dhe Manchester City. Me një hap të hedhur
drejt kualifikimit, Zonja e vjetër italiane udhëton drejt Holandës për të sfiduar atje
kampionët në fuqi dhe për të vulosur një rrugëtim. Ndërkohë që Atalanta e
Gasperinit pret në shtëpi Club Brugge pas surprizës së hidhur që morën në
Belgjikë.

Në Ligën e Kampionëve është koha e së vërtetës dhe në Tring Sport koha e
emocioneve të mëdha sportive, të cilat për futbollin Italian, Champions League dhe një sërë kompeticionesh të tjera prestigjioze, janë ekskluzivitet i TRING,
platformës më të madhe televizive në Shqipëri.