web counter
LEXO PA REKLAMA!

SHKARKO APP

App Store
Google Play

Mbi 1000 efektivë në terren/ Policia publikon masat për protestën e opozitës

19 Shkurt 2026, 22:01, Aktualitet CNA

Mbi 1000 efektivë në terren/ Policia publikon masat për

Policia ka marrë masat për protestën kombëtare të thirrur nga opozita, të premten në orën 18:00 para Kryeministrisë.

 Do të jenë në terren dhe në gatishmëri, mbi 1 mijë efektivë, ku përveç forcave të rendit, Forcave Kombëtare të Sigurisë dhe RENEA-s, do të ketë edhe agjentë civilë.

Duke nisur që prej orës 23:45, të ditës së sotme nuk do të lejohet parkimi i automjeteve deri në përfundim të tubimit në bulevardin “Dëshmorët e Kombit”. Parkimi ndalohet  nga vendi i quajtur “Ura e Dajtit” deri në rrugën “Ismail Qemali”.

Nesër duke nisur nga ora 15:00 deri në përfundim të protestës do të ketë bllokim të lëvizjes së automjeteve në bulevardin “Dëshmorët e Kombit”. Bllokimi nis nga kryqëzimi afër Ministrisë së Brendshme deri te sheshi “Nënë Tereza”. Po ashtu dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Mund të ketë kufizime të qarkullimit të automjeteve edhe në akse të tjera rrugore, në varësi të zhvillimit të tubimit.

Në rast bllokimi, Policia e Tiranës ka marrë masat për të devijuar qarkullimin e automjeteve përmes rrugëve alternative.

Policia e Tiranës i bën thirrje qytetarëve që të distancohen në rast se gjenden përballë veprime të kundërligjshme që cenojnë rendin dhe sigurinë publike.





Lajmet e fundit nga