web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca i kundërpërgjigjet Berishës: Me taksat e mia hani bukë ti dhe "çeta" jote

19 Shkurt 2026, 13:36, Aktualitet CNA

Gjergj Luca i kundërpërgjigjet Berishës: Me taksat e mia hani

Biznesmeni dhe sipërmarrësi i njohur, Gjergj Luca, përmes një videoje të publikuar në rrjetet sociale, u është përgjigjur akuzave të kryetarit të PD-së, Sali Berishës. Në foltoren e organizuar ditën e djeshme, Berisha i referohej Lucës si një “trafikant”.

“Portin e Durrësit si port e kanë Troplinët. Portin e peshkatarëve e mori Luca, një trafikant që ndiqej nga pesë shtete për trafik”, shprehet Berisha.

Duke ironizuar, biznesmeni Luca tregon pasaportën dhe vizat e hyrjeve dhe daljeve të tij brenda dhe jashtë vendit, ndër to dhe vizën amerikane që ka marrë si investitor në Shtetet e Bashkuar të Amerikës. Në mbishkrimin krahas videos Luca shprehet se do të vijojë me misionin dhe punën e tij të ndershme me të cilën thotë se paguan taksat.

“O Sali, po çfarë ke mor burrë? Po çfarë ke mor që s'të del shpirti pa u marrë me mua? Po mirë mo, po ç'i ke ata njerëz rreth e përqark që vetëm të gënjejnë edhe ti nuk i kalon mo nëpër filtra, e je bërë qesharak. Po çfarë ke me mua mor vëlla? Më çmende! Këtë radhë do të jap fakte vetëm që t'u bësh mbledhje atyre e të më kthesh prapë mua se të kanë çorientuar komplet, të kanë çorientuar. Shikoje këtu. A jam unë këtu? Shih sa i bukur kam qenë. Shihe pasaportën time o Sali. Shihe pasaportën time, vetëm viza hyr dil në gjithë botën, në gjithë dynjallëkun. Ja ku e ke edhe këtë vizën këtu o Sal.

O ta hëngsha zemrën, ja ku e ke vizën e këtyre. Tani, këta nuk e dinë që unë jam i kërkuar në gjashtë vende, që kam grabitur Portin e Durrësit? Këta nuk e dinë? Këta që ma kanë dhënë me gjithë familje vizën dhe jam i pari biznesmen shqiptar që kam marrë vizën E-2 si investitor në Shtetet e Bashkuara të Amerikës. O Sali, po çfarë ke mor burrë? Çfarë ke se të kam pasur edhe mikun e babait, dhe kam qenë në partinë tëndëe. Pse nuk më thërret mua, po mban të gjithë ata legenat përreth që vetëm të gënjejnë? O Sal, mblidh mendjen. A ke njerëz te shtëpia në qoftë se të ka shkuar mendja o Sali? Hajde unë të dua fort o burrë. Unë do të vij për vizitë me pi kafe te ty kur të ketë lëshuar komplet. Këta të tjerët gjithë do të lenë, se s’ke për të pasur gjë në dorë. Rroftë demokracia! Rroftë Partia Demokratike, Sali”, shprehet Luca në video. /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga