web counter
LEXO PA REKLAMA!

SHKARKO APP

App Store
Google Play

E fundit!

x

Neglizhenca e mallrave të magazinuar/ Drejtoria e Doganave, njoftim për bizneset

18 Shkurt 2026, 22:04, Aktualitet CNA

Neglizhenca e mallrave të magazinuar/ Drejtoria e Doganave, njoftim

Drejtoria e Përgjithshme e Doganave ka ndarë këtë të mërkurë një njoftim drejtuar jo vetëm degëve doganore, por edhe operatorëve ekonomike, sa i takon shqetësimeve të ditëve të fundit nga neglizhenca e mallrave të magazinuar.

Përmes një njoftimi, kërkohet zbatimi i procedurave që mundësojnë vendosjen/hyrjen e mallrave nën regjimin e posaçëm të Magazinimit Doganor, mbikqyrja e tyre dhe përmbyllja e regjimit, në mënyrë sa më rigoroze ndaj akteve ligjore e nënligjore që rregullojnë këtë proces.

“Drejtoria e Përgjithshme e Doganave, me qëllim eliminimin e rasteve të neglizhencës në zbatimin me korrektësi të rregullave që mundësojnë mbikëqyrjen e mallrave nën regjimin e Magazinimit Doganor, sjell në vëmendjen e operatorëve ekonomikë detyrimet e mëposhtme: 

Dërgimi i mallrave në rrugë të drejtpërdrejtë, menjëherë pas pranimit të deklaratës doganore (IM7) dhe vetëm në ambjentet e miratura për Magazinim Doganor. Depozitimi i deklaratës doganore mund të kryhet vetëm në zyrat doganore të miratuara për vendosjen e mallrave nën regjim;

Magazinimi i mallrave joshqiptare (kryesisht në Magazinat Doganore Publike) duhet t’i përgjigjet nevojës reale të argumentuar për përdorimin e regjimit dhe në asnjë rast për efekt të shmangies nga rregulli i kompetencës territorial;

Përshkrimi i saktë dhe klasifikimi tarifor i mallrave të deklaruara për hyrjen nën regjim;

Sistemimi i mallrave që të mundësojë qartësisht dhe lehtësisht verifikimin e tyre në ambjentet e magazinimit. Në rastet e magazinimit të dy kategorive të përbashkëta (mallra shqiptare dhe joshqiptare) duhet të mundësohet ndarja e tyre dhe evidentimi në regjistra të veçantë për secilën kategori;

Dorëzimi i listës së mallrave të magazinuara (listës së stoqeve) çdo datë 5 të muajit pasardhës pranë Degës Doganore mbikëqyrëse;

Për mallrat me afat skadimi (kryesisht ato ushqimore) depozitimi i deklaratës doganore për daljen nga regjimi duhet të kryhet të paktën 3 muaj përpara afatit të skadimit;

Në asnjë rast, dalja e mallrave nga ambjetet e miratuara të Magazinimit Doganor nuk duhet të kryhet pa u depozituar dhe pranuar, fillimisht, deklarata doganore për vendosjen e tyre në regjimin pasues;

Zbatimi i standardeve që duhet të plotësojnë ambjentet e magazinimit dhe që mundësojnë ruajtjen dhe sigurinë e mallrave në gjëndje të pandryshuar (si mbrojtja kunër zjarrit, cilësia e ndërtimit, lagështia, funksionimi i kamerave, mbyllja dhe ruajtja e ambjenteve, etj)”,-thuhet në njoftim./CNA

 





Lajmet e fundit nga