web counter
LEXO PA REKLAMA!

SHKARKO APP

App Store
Google Play

E fundit!

x

"Ndryshimet ligjore tërësisht jashtë logjike"/ Boçi: Një politikan nuk mund të propozojë ligj për veten e tij

18 Shkurt 2026, 16:51, Aktualitet CNA

"Ndryshimet ligjore tërësisht jashtë logjike"/

Nënkryetari i Partisë Demokratike, Luçiano Boçi është shprehur ditën e sotme se një politikan nuk mund të propozojë një ligj për të mbrojtur veten e tij.

Boçi, në një lidhje me Syri Tv, u shpreh se kjo është pikërisht ajo që kryeministri Edi Rama do të bëjë me ndryshimet ligjore që prezantoi në mbledhjen e Grupit Parlamentar.

Sipas tij, këtë po e shohin edhe ndërkombëtarët, pasi shtoi se ata që dikur e përkrahnin dhe mbështesnin Ramën sot e shohin me skepticizëm.

“Nuk mundet një person të propozojë një ligj për veten e tij. Është tëresisht jashtë logjikës. Një njeri normal në politikë nuk mund ta bëjë këtë. Me këtë ndërhyrje Rama synon të mbrojë veten të parin dhe më pas të tjerët, që sipas përkthimit të bisedës popullore, ai me të tijët mund të vjedhin grabisin dhe paratë që kanë fituar t’i përdorin për të fituar një mandat tjetër. Ndryshimet ligjore nuk janë vetëm sulm ndaj qytetarëve por edhe ndaj SPAK-ut, duke e kufizuar. Rama është bërë gjithmonë më arrogant kur është kapur keq. Pas gjithë gjërave që kanë ndodhur në Shqipëri apo skandaleve, ai është dirigjenti dhe njeriu që merr benefite nga këto. Shpresojmë që komuniteti ndërkombëtar të jetë zgjuar dhe të shohë se kush është në të vërtetë Rama. Ka pasur një mbyllje sysh për shkak të gjeopolitikës së famshme, edhe  për shkak të mbështetjes që ka fituar dhe lobuar. Por ja ku jemi sot, vetë ata që dikur e përkrahnin sot e shohin me skepticizëm, e shohin si një autokrat që po ,minon një qeverisje dhe një shtet që mbështetet në parime demokratike”, u shpreh Boçi. /CNA





Lajmet e fundit nga