web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE/ Takimi sekret i Erion Veliajt në burgun e Durrësit

18 Shkurt 2026, 13:32, Aktualitet CNA

EKSKLUZIVE/ Takimi sekret i Erion Veliajt në burgun e Durrësit

Kryebashkiaku i Tiranës, Erion Veliaj, i cili ndodhet në burgun e Durrësit, i ndaluar me 13 akuza të rënda penale, dje ka zhvilluar një takim.

Burime nga ky institucion i thanë CNA-së se Erion Veliaj është takuar për rreth dy orë me Indrit Dodën, kreun e Shërbimit të Kontrollit të Brendshëm në Burgje (SHKBB).

Nuk dihet arsyeja pse një zyrtar i lartë i burgjeve, për më tepër personi i cili duhet të kontrollojë shërbimet dhe personelin e burgjeve, hyn dhe takon një person me statusin e Veliajt.

CNA ka mësuar se Indrit Doda është emëruar së fundi drejtor i SHKBB me ardhjen e ministrit Besfort Lamallari në krye të Drejtësisë.

Ka shumë pikëpyetje në lidhje me këtë takim që ka zgjatur rreth dy orë mes kryebashkiakut Erion Veliaj dhe Indrit Dodës, kreut të SHKBB-së.

I pyetur nga CNA në lidhje me takimin me zotin Veliaj, Indrit Doda as e konfirmoi dhe as e mohoi, por u shpreh se “takimet me të paraburgosurit apo të burgosurit janë pjesë e detyrës sime funksionale”.

Një pyetje që lind thjeshtë është pse duhet të takojë vetëm Erion Veliajn dhe nuk takon të burgosur të tjerë Indrit Doda?

Cili është qëllimi, në momentet kur ka procesin gjyqësor, ka bërë kërkesa në Gjykatën Kushtetuese, ka hapur gjyq në Administrative, dhjetëra gjyqe të tjera ndaj gazetarëve dhe kritikëve të tij dhe në këtë moment shfaqet Indrit Doda.

Nuk po aludojmë për asgjë, as nuk po e akuzojmë, thjesht lind pyetja çfarë kërkon kreu i SHKBB-së në birucën e Erion Veliajt?

Pse e takon kryebashkiakun e Tiranës? Mos ka hall për ndonjë leje ndërtimi? Apo duhet të marrë a të çojë ndonjë porosi a fjalë për përkujdesjen e madhe që bëhet nga jashtë për kryebashkiakun Erion Veliaj?/ CNA





Lajmet e fundit nga