web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi ndaj ish-krerëve të UÇK-së në Hagë/ Avokatja e Rexhep Selimit: Ja kur mund të jepet vendimi

18 Shkurt 2026, 22:26, Aktualitet CNA
Gjyqi ndaj ish-krerëve të UÇK-së në Hagë/
Rexhep Selimi

Avokatja e së Drejtës Ndërkombëtare Penale (me grupin e mbrojtjes së Rexhep Selimit në Hagë), Rudina Jasini ka folur mbrëmjen e sotme lidhur me procesin gjyqësor ndaj ish-krerëve të UÇK-së në Hagë.

Në një lidhje me emisionin “Opinion”, Jasini u shpreh se gjyqi i sotëm ishte finalizimi i procesit gjyqësor dhe mbyllja e çështjes.  Ndër të tjera, avokatja tha se vendimi për këtë proces gjyqësor mund të jepet nga muaji qershor ose korrik. 

“Katër deklaratat e sotme, në fakt mbahen në atë sallë gjyqi ku pritet akt-gjykimi në muajt në vijim. Sot ka qenë mbyllja e çështjes, në këtë proces gjyqësor kjo prokurori është përpjekur të rishkruajë rolin dhe funksionin e UÇK-së, historia nuk mund të shkruhet në sallonet e Brukselit sepse është shkruar me gjakun e luftëtarëve dhe jetën e dëshmorëve. Mbetet për t'u parë kur do të merret vendimi, trupi gjyqësor ka deklaruar se do njoftojë palët në proces, mendoj nga qershori, maksimumi në korrik. Ka arsye të justifikuara mbi bazën e volumit të çështjes, mos të harrojmë që deklarata përmbyllëse kanë qenë sintezë e dosjeve me qindra faqe. Të katër të akuzuarit janë të prezumuar të pafajshëm, prokuroria është një palë.

Prokuroria pretendon se UÇK-ja ka vepruar në vazë të një zinxhiri të mirëstrukturuar komadimi dhe të katërt kanë pasur përgjegjësi individuale komanduese, gjë që kërkon interpretim se për sa kohë kanë qenë anëtarë të Shtabit, prokuroria pretendon se kanë pasur përgjegjësi dhe për atë që kanë kryer vartësit e tyre. Kategoria e përgjegjësisë penale që kjo prokurori kërkon të provojë, është kategoria e tretë e ndërmjarrjes së përbashkët kriminale. Sipas tyre këto katër udhëheqës akuzohen edhe për gjëra që nuk e kanë ditur se kanë ndodhur në ndonjë cep të Kosovës. Nëqoftëse ti je një ushtri e mirëstrukturuar veprimet duhet të bëhen në bazën e rregullave që diktohen në rast lufte”, tha avokatja Jasini. /CNA





Lajmet e fundit nga