web counter
LEXO PA REKLAMA!

SHKARKO APP

App Store
Google Play

E fundit!

x

Thellohen çarjet e dherave në aksin Librazhd-Pogradec/ ARRSH: Lëvizje me një korsi tek Arrat e Gurrës

19 Shkurt 2026, 18:40, Aktualitet CNA

 Thellohen çarjet e dherave në aksin Librazhd-Pogradec/ ARRSH:

Autoriteti Rrugor Shqiptar ka njoftuar se në aksin Librazhd-Pogradec, në vendin e quajtur Arrat e Gurrës, çarjet e dherave janë thelluar akoma më shumë duke krijuar pasiguri për përdoruesit e rrugës.

Për këtë shkak, duke nisur nga sot në vendin e rrëshqitjes do të bëhet lëvizja me vetëm një korsi. ARRSH njofton se në ditët në vijim do të realizohet një korsi provizore për të siguruar qarkullimin me dy sense.

 

 

Njoftimi i ARRSH

 

Në aksin Librazhd-Pogradec,  në vendin e quajtur Arrat e Gurrës, është konstatuar se çarjet e vjetra dhe të reja që ishin shfaqur në këtë zonë janë thelluar akoma më shumë, duke paraqitur një situatë të pasigurt për përdoruesit e rrugës.

Në këto kushte, Autoriteti Rrugor Shqiptar ka ndërmarrë menjëherë masat paraprake emergjente për parandalimin e aksidenteve të mundshme.

Duke filluar që sot, në koordinim dhe me Policinë e Shtetit, do të ketë kufizim të lëvizjes me një korsi në vendin e rrëshqitjes, duke vendosur semafor për disiplinimin e trafikut.

Në vijim, do të merren masa për realizimin e një korsie tjetër provizore në të majtë të trupit të rrugës, për të siguruar qarkullimin e mjeteve me dy sense.

Kërkojmë mirëkuptimin e drejtuesve të mjeteve si dhe të banorëve të zonës, për këtë ndërhyrje në rrugë dhe kufizimin e lëvizjes në këtë segment, por që vlerësohet e domosdoshme për sigurinë rrugore.





Lajmet e fundit nga