web counter
LEXO PA REKLAMA!

SHKARKO APP

App Store
Google Play

E fundit!

x

Maratona e Tiranës, në 23 tetor/ Veliaj jep detaje, ja akset rrugore që do të bllokohen

14 Tetor 2022, 13:50, Aktualitet CNA
Maratona e Tiranës, në 23 tetor/ Veliaj jep detaje, ja akset rrugore
Kryebashkiaku Erion Veliaj

Kryebashkiaku Erion Veliaj ka zhvilluar një takim me institucionet për organizimin e Maratonës së Tiranës “Run for Peace”.

Veliaj zbuloi se gjatë muajit tetor do të aplikojmë për titullin “Qyteti Europian i Sportit” dhe një nga vlerësimet e jurisë në Bruksel është nëse Tirana ka aftësi menaxhuese sistematike për disa aktivitete sportive.

 “Këtë vit, kur Tirana ka mbajtur titullin e Kryeqytetit Europian të Rinisë, kemi pasur rreth një mijë aktivitete, por asnjë aktivitet tjetër nuk sjell një pjesëmarrje të jashtëzakonshme si Maratona e Tiranës, sepse vijnë jo vetëm sportistë, por edhe familjarë të tyre apo njerëz të apasionuar që duan të kalojnë gjithë fundjavën në atmosferën sportive të Tiranës. Gjatë muajit tetor do të aplikojmë për titullin 'Qyteti Europian i Sportit' dhe një nga vlerësimet e jurisë në Bruksel është nëse Tirana ka aftësi menaxhuese sistematike për disa aktivitete sportive. Ndaj, besoj që organizimi i Maratonës së Tiranës, apo organizimi i eventeve të tjera sportive si: Kampionati U-21 i Taekuondosë, i Xhudos, i Triathlonës, etj., janë pjesë e CV-së sonë për të qenë 'Qyteti Europian i Sportit 2023'”, tha kreu i Bashkisë së Tiranës.

Më tej, kryebashkiaku Veliaj tregoi se cilat janë akset që do të bllokohen si pasojë e zhvillimit të aktivitetit.

“Rendi i rrugëve që do të bllokohen janë: Bulevardi 'Zogu i Parë', 'Bulevardi i Ri', rruga 'Dedë Gjon Luli', rruga e 'Durrësit', rruga e 'Kavajës', 'Ibrahim Rugova', 'Myslym Shyri', 'Gjergj Fishta', 'Bajram Curri', 'Lekë Dukagjini', sheshi 'Nënë Tereza', rruga 'Gjergj Filipi', rruga 'Papa Gjon Pali', rruga 'Ismail Qemali' , bulevardi 'Dëshmorët e Kombit', ura te rruga e 'Elbasanit', rruga 'Xhoxh Bush' dhe rruga 'Abdi Toptani'. Këtë itinerar do ta botojmë edhe në mediat sociale. Sigurisht, do të jetë e hapur Unaza e Madhe e Tiranës, për ata që do të bëjnë lëvizjet unazore, për të mos paralizuar totalisht jetën e qytetit. Gjithashtu, kërkoj mirëkuptim dhe të kemi një komunikim shumë të mirë me qytetarët për çështjen e parkimit. E kuptoj se një pjesë kanë parkime me kontratë, por do të duhet të tregojnë mirëkuptim, siç kanë treguar gjithmonë, që ne ta kemi qytetin në një situatë optimale”, sqaroi Veliaj./ CNA.al





Lajmet e fundit nga