web counter
LEXO PA REKLAMA!

SHKARKO APP

App Store
Google Play

E fundit!

x

Sulmi kibernetik ndaj sistemit TIMS/ Karcanaj “nxjerr” jashtë gazetarët nga Komisioni i Sigurisë

14 Tetor 2022, 12:03, Aktualitet CNA

Sulmi kibernetik ndaj sistemit TIMS/ Karcanaj “nxjerr” jashtë

Komisioni Parlamentar i Sigurisë ashtu si mbledhjen e kaluar i ka mbyllur dyert edhe sot për mediat.

Sot do të mbahej seanca dëgjimore me AKSHI-n për sulmin kibernetik ndaj sistemit TIMS.

Kërkesa për të përzënë mediat ka ardhur nga drejtuesja e AKSHI-t, Linda Karcanaj.

Sipas saj, informacionet që do trajtohen janë të klasifikuara si sekrete ose tepër sekrete, ndaj seanca duhej të zhvillohet me dyer të mbyllura.

“Për shkak të faktit që gjatë diskutimit do të trajtojmë informacion që është i klasifikuar, sekret ose tepër sekret unë do t’ju lutesha që seanca të zhvillohej pa praninë e kamerave, me dyer të mbyllura”, ka kërkuar drejtuesja e AKSHI-t.

Kryetari i komisionit, Nasip Naço, ka qenë i gatshëm për të mbyllur dyert për mediat.

Megjithëse për procedurë është hedhur për votim edhe kërkesa e Karcanaj është miratuar me votat e socialistëve.

Ndërsa nga tre deputetët e opozitës që ishin të pranishëm, dy votuan kundër mbajtjes së seancës me dyer të mbyllura dhe njëri abstenoi./CNA.al





Lajmet e fundit nga