“Kam fjetur me nipin e deputetit”/ Çfarë dëshmonte Kejvina Kthella për Redjan Rrajën?
14 Tetor 2022, 11:09, AktualitetCNA
Modelja Kejvina Kthella
Ditën e sotme, SPAK-u ka kërkuar sekuestrimin e pasurive të Redjan Rrajës, ndër të cilat edhe "Audi A8" e ish-të dashurës së tij, Kejvina Kthella.
Në kohën kur u arrestua Redjan Rraja, një nga dëshmitë që u mor nga SPAK-u, ishte ajo e modeles Kejvina Kthella, e cila zbuloi se kishte lidhje me Rrajën.
Modelja tregoi se një natë para atentatit të Arjan Ndojës, kishte kaluar natën me Redjan Rrajën në shtëpinë e saj.
Ndërsa në janar të vitit të kaluar janë publikuar disa përgjime, ku e vjehrra e Redjan Rrajës shprehet se “kanë dalë llafe se shkonte me një tjetër”.
Kthella tregon se më datë 1 nëntor 2019 ka komunikuar në telefon me Redjanin dhe i ka thënë se ishte në Durrës me disa miq.
Ndërsa alibia që Rraja kishte tentuar të ngrinte, është rrëzuar nga bashkëshortja e tij, e cila gjatë deklarimeve ka thënë se Redjani ndodhej në Belgjikë.
Dëshmia e Kejvina Kthellës:
“… Herën e fundit që jam takuar me Redjanin ka qenë ditë e enjte, datë 31.10.2019. Rreth orës 22:00 të mbrëmjes unë ndodhesha në banesë dhe ka ardhur Redjani. Kemi qëndruar gjatë natës së bashku dhe në mëngjes, më datë 01.11.2019, rreth orës 10:30 unë jam larguar për në punë, ndërsa Redjani qëndroi në banesë. Kam komunikuar gjatë ditës me të disa herë dhe ai është larguar nga banesa dhe kishte shkuar në Durrës me disa miq të tij.
Ishin duke pirë diçka me sa më tha ai, por nuk di detaje me saktësi. Dua të them se unë kam komunikuar thuajse çdo ditë me Redjanin në telefon, por nuk jemi takuar. Me sa mbaj mend, ditën e shtunë, më datë 02.11.2019, kur kam komunikuar në telefon, Redjani më ka thënë se ishte jashtë shtetit.
Po kështu, edhe ditën e diel, më datë 03.11.2019 kemi komunikuar normalisht rreth orëve të paradites dhe thjeshtë kemi bërë bisedë normale. Unë komunikoj nëpërmjet telefonit tim, me numër 06924 XXXXX, Redjani disponon numrin e telefonit 06920 XXXXX”./ CNA.al
