web counter
LEXO PA REKLAMA!

SHKARKO APP

App Store
Google Play

E fundit!

x

"Kandidatët zgjidhen vetëm me votë"/ Ristani: Nëse aleatët kanë një figurë të denjë, PD është e hapur

13 Tetor 2022, 18:07, Aktualitet CNA

"Kandidatët zgjidhen vetëm me votë"/ Ristani: Nëse

Anëtari i kryesisë së PD-së, Arben Ristani, gjatë një interviste për “Zona Zero” ka folur lidhur mënyrën se si do të zgjidhen kandidatët për zgjedhjet lokale.

Ai shprehet se Partia Demokratike është e hapur, që të zgjedhë figurat më të mira të secilit qytet, të cilët mund t’i sjellin fitoren opozitës në këto zgjedhje.

Mekanizmi i primareve është i duhuri, sipas Ristanit, për arsye se vetëm përmes votës mund të funksionojë demokracia brenda partisë, por edhe në vend.

Gjithashtu ai nuk përjashton mundësinë që propozimet e aleatëve janë të vlefshme, në rast se ata propozojnë një figurë që gëzon respekt në zonën e tij. 

“Askush i ndodhur në pakicë nuk mund të zgjedhë, ai që ka shumicën e votave ka më shumë të drejta. Kështu funskionon në demokraci.

Ne kemi bërë këtë, që futëm mundësinë edhe për simpatizantët që duan të votojnë. Ata mund të regjistrohen dhe të vinë të votojnë. Sigurisht se në rast se prej tyre ka një kandidat i cili gëzon respect në qytetin ku jeton, patjetër demokratët janë të hapur, pasi demokratët duan të fitojnë. Nëse do të kishte një figurë të tillë nga aleatët, jemi të hapur. Por kjo do të bëhet vetëm me votë. “





Lajmet e fundit nga