web counter
LEXO PA REKLAMA!

SHKARKO APP

App Store
Google Play

Kërcënoi me armë dhe vodhi banesën/ Përfundon pas "hekurave" 28-vjeçari në Durrës

13 Tetor 2022, 15:30, Aktualitet CNA
Kërcënoi me armë dhe vodhi banesën/ Përfundon pas
Foto ilustruese

Një 28-vjeçar ka përfunduar në prangat e policisë, pasi tentoi të vidhte me armë banesën e një shtetasi.

Ngjarja ka ndodhur një vit më parë, ndërkohë sot policia ka bërë të mundur arrestimin e të riut nga Durrësi, ku i është caktuar masa e sigurisë "Arrest me burg".

Njoftimi:

Durrës / Finalizohet operacioni policor i koduar “The End”.

Kapet dhe vihet në pranga 28-vjeçari i shpallur në kërkim, pasi tentoi të vidhte me armë, një vit më parë, në banesën e një shtetasi.

Si rezultat i këtij operacioni, shërbimet e Forcës së Posaçme Operacionale të DVP Durrës, në bashkëpunim me specialistët për Hetimin e Krimeve të Komisariatit të Policisë Durrës, bënë të mundur ndalimin e shtetasit P. P., 28 vjeç, banues në Katund Sukth, Durrës. Gjykata e Rrethit Gjyqësor Durrës i ka caktuar 28-vjeçarit masën e sigurisë "Arrest në burg", për veprat penale "Vjedhja me armë" dhe "Mbajtja pa leje e armëve, armëve shpërthyese dhe e municionit".

Më datë 08.10.2021, shtetasi P. P., në bashkëpunim me 3 shtetas të tjerë të arrestuar, kanë tentuar të vjedhin me armë, në banesën e një shtetasi, në fshatin Katund Sukth.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.





Lajmet e fundit nga