web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj, drejt braktisjes/ Këlliçi: Ka humbur mbështetjen brenda grupit të tij

13 Tetor 2022, 18:27, Aktualitet CNA

Alibeaj, drejt braktisjes/ Këlliçi: Ka humbur mbështetjen

Belind Këlliçi është shprehur se Enkelejd Alibeaj ka humbur mbështetjen brenda grupi të tij brenda PD-së.

Deputeti i PD-së, tregoi se grupi i Alibeajt ka zhvilluar një mbledhje, ku do të përcaktohej se cili do të ishte negociatori i tyre me PD-në zyrtare, ku vetë deputeti ka propozuar një nga të vetët për të marrë përsipër këtë detyrë, por grupimi nuk e ka mbështetur. Më pas ka qenë një deputete tjetër brenda grupit e cila ka propozuar Gazment Bardhin dhe është mbështetur nga anëtarët.

“Alibeaj e ka humbur mbështetjen brenda grupit të tij dhe shumicën se ka propozuar dikë tjetër për të qenë negociator, nuk dua ta përmend se kë, dhe i është rrëzuar me votë dhe më pas një zonjë e nderuar ajo, deputete dhe ajo, ka propozuar Bardhin”- shprehet Këlliçi, duke treguar kështu se Alibeaj nuk gëzon mbështetjen e grupit të tij.

I pyetur se çfarë ndjesie ka Këlliçi lidhur me këtë “humbje terreni” të Alibeajt, deputeti përgjigjet:

“Nuk më krijon asnjë lloj emocioni, zero.”

Kujtojmë se pak ditë më parë PD-ja zyrtare vendosi të futej në bisedime me grupimin e Alibeajt, për zgjedhjen e kandidatëve të përbashkët. Secila nga palët përcaktoi një negociator, ku për PD-në zyrtare u zgjodh Edi Paloka, ndërsa për grupin e Alibeajt u caktua Gazment Bardhi./CNA.al





Lajmet e fundit nga