web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Klos/ Aktivistja: Vajza të largohet, të fillojë një trajtim psiko-social

14 Tetor 2022, 13:44, Aktualitet CNA

Tragjedia në Klos/ Aktivistja: Vajza të largohet, të fillojë

Aktivistja e Shoqërisë Civile, Sevim Arbana, ka komentuar ngjarjen e rëndë që ndodhi dy ditë më parë në Klos, ku humbën jetën tre persona dhe u plagosën dy të tjerë.

Në një intervistë për "Euronews Albania", Arbana theksoi se vajza, e cila dyshohet se u bë shkak i masakrës, duhet të largohet urgjentisht nga Klosi.

Sipas saj 16-vjeçarja duhet të shkojë në një vend që nuk e njeh askush, ndërsa theksoi se duhet të fillojë një trajtim psiko-social.

“Tani i gjithë problemi është vajza. Nëse ne shoqëria, institucionet, do ta lëmë këtë vajzë atje kjo vajzë nuk jeton më, do të jetë një kufomë që vetëm merr frymë. Ajo është rëndë psikologjikisht, nga njëra anë vdekja e të atit që do ta rëndojë gjithë jetën, dhe nga ana tjetër presioni i komunitetit shoqëror që fajëson vajzën dhe vetëm vajzën. Institucionet tri ditë bëjnë zhurmë dhe e harrojmë. Vajza urgjentisht duhet të largohet nga andej, të çohet në një vend që askush nuk e di se ku do të jetë. Të fillojë një trajtim psiko-social shumë të fortë. Ne duhet të ndërhyjmë. Unë jam e sigurt që asnjë nuk do të bëjë gjë sepse do harrohet”- theksoi ajo.

 





Lajmet e fundit nga