‘Qëndrimi më i keq’/ Berisha, për fjalimin e Ramës: Po dëmton deri në palcë të akuzuarit nga Haga

14 Tetor 2022, 12:51, Aktualitet CNA

‘Qëndrimi më i keq’/ Berisha, për fjalimin e

Vijojnë replikat dhe akuzat në distancë mes kreut të PD-së, Sali Berisha, dhe kryeministrit Edi Rama, ku në fokus ka qenë fjalimi i Ramën në KiE, për raportin e Dick Marty-t.

Gjatë konferencës për shtyp, Berisha i është drejtuar sërish kryeministrit, duke kujtuar se Rama ka qenë kryetar i PS-së, kur deputetët e tij kanë votuar në parlament, ligjin për hetimin ndërkombëtar të këtyre krimeve në territorin e Shqipërisë.

Kreu i PD-së, thekson se fjalimi i tij ishte qëndrimi më i keq që mund t'u bëhet bëhet Hashim Thaçit, Jakup Krasniqit, Rexhep Selimit dhe Fatmir Limajt, duke e cilësuar si “fushata e çmendur” e Edi Ramës.

Berisha nënvizon se ky fjalim është interpretuar si presion politik.

“Qëndrimi më i keq që mund t’u bëhet zotërinjve Hashim Thaçi, Jakup Krasniqi, Rexhep Selimi dhe Fatmir Limaj, është fushata e çmendur e Edi Ramës, gjoja po i ndihmoj, por po i dëmton në palcë. Kjo me të gjitha, sidomos fjala e tij në Asamblenë Parlamentare. Është interpretuar si presion politik, gjë që e hedhin me neveri në Europën Perëndimore. Nëse do t’i ndihmojë, të caktojë një fond dhe të marrë avokatët më të mirë dhe t’i dërgojë në sallë.

Është akti i një burracaku që kërkon të fshihet pas hijes së vet. Së pari, kam këtu tekstin e fjalës së përfaqësuesit të Edi Ramës në Asamblenë e KiE, ku thotë në mënyrë tekstuale se jemi dakord për hetim të plotë dhe të gjerë.

Së dyti, Edi Rama ka qenë kryetar i PS-së, kur deputetët e tij kanë votuar në parlament, ligjin për hetimin ndërkombëtar të këtyre krimeve në territorin e Shqipërisë. Pra, Edi Rama ka qenë 100 për qind dakord me këtë.

Unë shoh me një keqardhje disa qëndrime të autoriteteve të ndryshme në Kosovë, që nuk e frenojnë Edi Ramën. Ai po dëmton gjendjen e udhëheqjes politike të burgosur në Hagë.

Nëse presidenti i një vendi u arrestua pothuajse në avion, që nuk ka ndodhur kurrë, në mënyrën më të pamerituar, kjo ndodhi për shkak të fushatës antigjykatë të Ramës dhe Baton Stanishiçit.

Absolutisht, qëndrimi më i keq që mund t’u bëhet zotërinjve Hashim Thaçi, Jakup Krasniqi, Rexhep Selimi dhe Fatmir Limaj, është fushata e çmendur e Edi Ramës, gjoja po i ndihmoj, por po i dëmton në palcë. Kjo me të gjitha, sidomos fjala e tij në Asamblenë Parlamentare. Është interpretuar si presion politik, gjë që e hedhin me neveri në Europën Perëndimore. Nëse do t’i ndihmojë, të caktojë një fond dhe të marrë avokatët më të mirë dhe t’i dërgojë në sallë.

Por Edi Rama po përkeqëson gjendjen e tyre para trupit gjykues në Hagë. Unë në radhë të parë jam kosovar. Kurse Edi Rama po bën gjithçka për interesat e tij personale. Kosova ishte në prag të anëtarësimit, Rama kishte disa mënyra më eficiente që të lobonte për këtë anëtarësim", u shpreh Berisha./ CNA.al