Kuvendi miraton katër anëtarë të Këshillit Mbikëqyrës të Bankës së Shqipërisë

20 Shkurt 2026, 07:29, Aktualitet CNA

Kuvendi miraton katër anëtarë të Këshillit

Kuvendi ka zhvilluar ditën e djeshme seancën e radhës plenare, që ka zgjatur deri në orët e para të mëngjesit. Në seancë janë miratuar dy projektligje dhe pesë projektvendime.

Po ashtu janë zgjedhur edhe 4 anëtarë të Këshillit Mbikëqyrës të Bankës së Shqipërisë. Anëtarët e zgjedhur janë Selami Xhepa, Holta Zaçaj, Ervin Mete dhe Jonida Prifti.

Ndërkohë me kërkesë të kreut të Grupit Parlamentar të Partisë Socialiste, Matilda Shehu, do të votohet në një seancë tjetër plenare.

Votimet në seancë plenare:

-Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, u miratua me 74 vota pro, 16 kundër dhe 0 abstenim.

Z. Selami Xhepa u zgjodh anëtar në Këshillin Mbikëqyrës të Bankës së Shqipërisë.

-Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, u miratua me 72 vota pro, 19 kundër dhe 1 abstenim.

Znj. Holta Zaçaj u zgjodh anëtare në Këshillin Mbikëqyrës të Bankës së Shqipërisë.

-Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, konkretisht të znj. Matilda Shehu, me kërkesë të Kryetarit të Grupit Parlamentar të PS, do të votohet në një seancë tjetër plenare.

-Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, u miratua me 74 vota pro, 17 kundër dhe 0 abstenim.

Z. Ervin Mete u zgjodh anëtar në Këshillin Mbikëqyrës të Bankës së Shqipërisë.

-Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, u miratua me 73 vota pro, 18 kundër dhe 0 abstenim.

Znj. Jonida Prifti u zgjodh anëtare në Këshillin Mbikëqyrës të Bankës së Shqipërisë. /CNA