E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Kompensim për dëmet nga breshëri/ Fermerët e Devollit, protestë para Drejtorisë së Bujqësisë

29 Shtator 2023, 10:59, Aktualitet CNA

Kompensim për dëmet nga breshëri/ Fermerët e Devollit,

Foto nga protesta në Korçë

Fermerët e prekur nga breshëri në zonën e Korçës, Maliqit dhe Devollit, kanë protestuar para Drejtorisë së Bujqësisë.

Ata kanë kërkuar ndërhyrje të autoriteteve shtetërore për të kompensuar dëmet e shkaktuara nga fatkeqësia natyrore, e cila ka shkatërruar pjesën më të madhe të prodhimit.

Fermerët thonë se dëmet nga fatkeqësia natyrore përsëriten çdo vit, ndërsa ndihma e shtetit është zero. Në kushtet kur prodhimi i tyre është i ekspozuar nga dëmet natyrore dhe mungesa e mbështetjes nga shteti, ata thonë se do të braktisin bujqësinë dhe do t'i kthehen emigracionit.

Drejtori i Drejtorisë rajonale të Bujqësisë, Vullnet Gjolla, tha se dëmet janë të konsiderueshme dhe arrijnë qindra hektarë, grupet e ekspertëve janë duke verifikuar situatën në terren dhe pas verifikimit do t'i dërgohet një raport ministrisë për të parë mundësinë e kompensimit nga dëmet.

"E dimë që para pak ditësh pati një situatë të vështirë në qarkun e Korçës nga reshjet. Agjencia Rajonale e Ekstesionit Korçë në bashkëpunim me bashkitë përkatëse kemi dalë për verifikim të sipërfaqeve të dëmtuara. Kemi parë që ka patur dëm të konsiderueshëm, po bëjmë përpjekje maksimale për të bërë verifikimin e tyre bashkë me specialistët e bashkive. Jo vetëm ne, por edhe Ministria e Bujqësisë është në dijeni të situatës, dhe në ditët në vijim do të shohim cila do të jetë mundësia dhe baza ligjore që do veprojmë për të dhënë ndihmë. Sa i përket dëmpshpërblimit të këtij viti, mund të them se jemi sektor këshillimi, dhe janë bashkitë ata që e kanë në juridiksion me fondet e emergjencave. Në skemat kombëtare fermerët duhet të aplikojnë për të marrë rrjetat antibreshër. Çdo vit për shkak të ndryshimeve të kushteve klimaterike, kemi patur situata të vështira, dhe qeveria ka marrë masa si në skemat kombëtare dhe në ato të IPARD që fermerët mos të pësojnë dëme të tilla. Kemi patur dhe një skemë sigurimi që kemi dhënë 50%. Pra fermerët duhet edhe të sigurojnë rrjetën antibreshër. Hapësira ka, dhe këto hapësira duhet të shfrytëzohen. Sa herë ka skema, dhe sa herë është e nevojshme për të aplikuar si në skemat direkte dhe ato kombëtare e ndërkombëtare. Prej dy ditësh në qarkun juglindor kanë qenë specialistët tanë dhe ata bashkiakë, sot jemi në bashkinë e Maliqit, nuk kemi një pasqyrë të dëmeve, ka sipërfaqe të konsiderueshme, në Korccë 45-50 hektarë, në Maliq 70-80 hektarë ndërsa në Devoll sipërfaqja është më e madhe", u shpreh zyrtari.