web counter
LEXO PA REKLAMA!

SHKARKO APP

App Store
Google Play

Censi i popullsisë/ Hyseni: Shqipëria ka standardin më të lartë në botë për mbrojtjen e pakicave kombëtare

29 Shtator 2023, 08:23, Aktualitet CNA
Censi i popullsisë/ Hyseni: Shqipëria ka standardin më të
Alket Hyseni, avokat

Avokati Alket Hyseni është shprehur se Shqipëria ka standardin më të lartë që ekziston në botë lidhur me Censin dhe mbrojtjen e minoriteteve.

Hyseni ka deklaruar në emisionin "Opinion" se Shqipëria paraqet një kompleksitet si askush tjetër, me shkallën më të lartë të minoriteteve, 9 minoritete.

Pjesë e bisedës nga emisioni

Blendi Fevziu: Pse duhej të vendosej etnia dhe feja?

Alket Hyseni: Ne si përherë, jemi prirur të mbajmë standardet më të larta. Sa më lart të hipësh, aq më shumë rrezikon. Të mbash standardet e larta, kërkon dhe një standard të lartë të zhvillimit shoqëror të vendit dhe ndoshta nuk përputhet standardi shumë i lartë i ligjit që kemi ne me standardin e zhvillimit në këtë stad të shoqërisë sonë. Fakt, ne kemi standardin më të lartë që ekziston në botë lidhur me Censin dhe mbrojtjen e minoriteteve.

Blendi Fevziu: Cilat janë pikat më sensitive në këtë ligj?

Alket Hyseni: Patjetër, identiteti etnik.

Blendi Fevziu: Kur u bë ligji, a keni pasur shqetësim për identitetin etnik?

Alket Hyseni: Shqipëria paraqet një kompleksitet si askush tjetër. Ne kemi shkallën më të lartë të minoriteteve, 9 minoritete. Projektligji ka ardhur me 8 dhe në diskutime dhe në debate dhe në lobimin e qeverisë bullgare e partnerëve evropianë, është shtuar minoriteti bullgar. Në stadin ku është Shqipëria, jemi më të brishtë se në situata të caktuara për etapat e integrimit. Nga pikëpamja e së drejtës, ne duhet të jemi krenarë sepse kemi standardin më të lartë të pakicave kombëtare. Me këtë shkallë të shoqërimit, por edhe të mbrojtjes, mund të jemi në standardet më të larta./ CNA





Lajmet e fundit nga