web counter
LEXO PA REKLAMA!

SHKARKO APP

App Store
Google Play

Komisioni i Ankimimit zbut masat disiplinore për ish-drejtuesit e policisë së Lezhës

10 Mars 2026, 17:09, Aktualitet CNA

Komisioni i Ankimimit zbut masat disiplinore për ish-drejtuesit e

Komisioni i Ankimimit në Policinë e Shtetit ka shqyrtuar ditën e sotme rreth 25 ankesa të paraqitura nga punonjës të policisë ndaj të cilëve janë vendosur më herët masa disiplinore të ndryshme.

Bëhet me dije se në këtë mbledhje janë zbutur masat edhe për ish-drejtuesit e policisë së Lezhës. Konkretisht për ish-drejtorin e Policisë së Lezhës, Altin Mena, është vendosur shtyrja e afatit të gradimit për tre muaj, duke rrëzuar masën fillestare “ulje në grade” për një periudhë 5-vjeçare.

Për zëvendësdrejtorin për rendin në Lezhë, Taulant Gjoka, i cili pak javë më parë ishte përjashtuar, u vendos shtyrje e gradimit për gjashtë muaj.

Edhe për shefin e Komisariatit të Lezhës, Oltion Gjoni, i cili gjithashtu ishte përjashtuar, Komisioni i Ankimit vendosi shtyrje të gradimit për një vit. Për zv/drejtorin për Krimet, Kujtim Gjoka, që ishte vendosur si masë shtyrja e afatit të gradimit, Komisioni vendosi vetëm masë vërejtjeje.

Drejtorisë së Standardeve Profesionale, gjatë arsyetimit të vendimit që dha pak javë më parë shprehej se gjatë periudhës kur këta drejtues ishin në krye të Policisë së Lezhës, në qendër të qytetit funksiononte prej kohësh një kazino trekatëshe me mbi 20 makineta dhe sallë pokeri. Gjatë ndërhyrjes së policisë u sekuestrua edhe lëndë narkotike e dyshuar si kokainë. /CNA





Lajmet e fundit nga