web counter
LEXO PA REKLAMA!

SHKARKO APP

App Store
Google Play

Kërkoi leje për të shkuar në Parlament/ Gjykata e Lartë “rrëzon” Berishën

23 Maj 2024, 19:08, Aktualitet CNA
Kërkoi leje për të shkuar në Parlament/ Gjykata e Lartë
Ish-kryeministri Sali Berisha

Gjykata e Lartë ka rrëzuar rekursin e ish-kryeministrit Sali Berisha, i cili kërkonte nga kjo gjykatë, heqjen e ndalimit për të marrë pjesë në seancat parlamentare, ndërsa ndodhet në arrest shtëpie me vendimin të GJKKO-së, prej 30 dhjetorit 2023, lidhur me hetimin e SPAK për privatizimin e ish-klubit Partizani.

Gjithashtu, nga e njëjta Gjykatë nuk është pranuar edhe rekursi i Jamarbër Malltezit që kundërshton masën arrest në shtëpi, vendosur nga Apeli i Posaçëm më 21 nëntor të vitit të shkuar.

Berisha e Malltezi kanë kundërshtuar masat pasi i cilwsojnw si politike dhe tw ndikuara nga kryeministri Rama. Fillimisht ndaj Berishës u kërkua masa “detyrim paraqitje” dhe ndalim të daljes jashtë vendit, por ato nuk u respektuan, me pretendimin se SPAK nuk kishte marrë leje nga Kuvendi.

Më pas ishte SPAK që kërkoi leje nga Kuvendi, por duke forcuar masën e sigurisë nga detyrim paraqitjeje në “arrest shtëpie”.  Me masën e sigurisë së arrestit shtëpiak, Berishës iu ndalua të marrë pjesë në seancat plenare, çka mund të çojë në humbjen e mandatit të deputetit, pasi mungon në punimet e Parlamentit prej pothuajse 6 muajsh.  Avokatët e Berishës kanë deklaruar se vendosja në masë arresti synon pikërisht djegien e mandatit të deputetit. Ish-Kryeministri i është drejtuar me disa kërkesa shkallëve të gjyqësorit shqiptar, por të gjitha janë rrëzuar./ CNA





Lajmet e fundit nga