Kush është Peter Zingraf, ish-ambasadori gjerman që u shua papritur

23 Maj 2024, 17:44, Aktualitet CNA

Peter Zingraf, ish-ambasadori i Gjermanisë në Shqipëri është ndarë nga jetë 3 ditë më parë për shkak të një sëmundje të rëndë dhe të shkurtër.

Lajmin e njoftoi këtë të enjte ambasada gjermane në Tiranë, duke e karakterizuar diplomatin si një mik të madh, një person miqësor, me humor dhe të afrueshëm.

Peter Zingraf la pas bashkëshorten dhe dy vajzat e tij.

Por kush është Peter Zingraf?

Ai u emërua ambasador i Gjermanisë në Shqipëri më 1 gusht të vitit 2019. Peter Zingraf pasoi Susanne Schutz, pasi kjo e fundit përmbylli në korrik misionin në Shqipëri.

Lajm i hidhur/ Ndahet nga jeta ish-ambasadori gjerman në Tiranë
23 Maj, 17:16

Diplomati gjerman erdhi në Tiranë në një moment delikat për vendin tonë, pasi në tetor të 2019-ës do të jepej vendimi për hapjen ose jo të negociatave të Shqipërisë me BE-në, megjithëse hapja e negociatave u bë e mundur në korrik të 2022-shit.

Ish-ambasadori ka studiuar romanistikë (histori letërsie frënge dhe italiane) në Aachen, Poitiers-Francë dhe Firence-Itali. Ai ka punuar si bashkëpunëtor shkencor në universitetet e Aachen dhe Freiburg im Breisgau.

Karrierën diplomatike, Zingraf e nisi në vitin 1993, kur u bë pjesë e Shërbimit të Jashtëm.

Kush është Peter Zingraf, ish-ambasadori gjerman që u shua

Një vit më pas u shërbye si zyrtar shkëmbimi në Ministrinë e Punëve të Jashtme italiane në Romë. Mbas rikthimit në Zyrën e Jashtme të Gjermanisë, ai mori përsipër punën si zyrtar në departamentin politik. Prej vitit 1996 deri në 1999, punoi në ambasadën gjermane në Varshavë.

Mbas zhvendosjës së Zyrës së Jashtme për në Berlin, Zingraf u vendos atje në Njësinë 604 (Shkenca dhe Shkollat e Lartë) të Departamentit të Kulturës.

Në vitin 2002, ai shkoi në ambasadën gjermane në Dar es Salaam të Tanzanisë.

Kush është Peter Zingraf, ish-ambasadori gjerman që u shua

Nga viti 2005 punoi në departamentin qendror të Zyrës së Jashtme dhe nga viti 2010 në ambasadën gjermane në kryeqytetin irlandez Dublin, ku ishte zëvendës i ambasadorit.

Midis 2013 dhe 2016 punonte në departamentin e politikës së jashtme në Zyrën Federale të Presidentit gjerman. Ai rikthye prapë në departamentin qendror të Zyrës së Jashtme gjatë vitit 2016.

Në vitin 2019 ai erdhi në Shqipëri, duke u bërë ambasadori i 11-të në radhë i ambasadorëve gjermane në vendin tonë, dhe u largua në korrik të 2023-shit./ CNA