web counter
LEXO PA REKLAMA!

SHKARKO APP

App Store
Google Play

E fundit!

x

"Kërkesa për ekstradim mban datën 18 gusht 2023"/ Ahmetaj: Ky ishte teatri i radhës, duan të akuzohem për korrupsion

17 Nëntor 2025, 21:16, Aktualitet CNA

"Kërkesa për ekstradim mban datën 18 gusht 2023"/

Ish-zv.kryeministri Arben Ahmetaj i ftuar në emisionin “Çim Peka Live” në Syri TV ka komentuar lajmin që qarkulloi në media gjatë ditës së sotme se Ministria e Drejtësisë ka kërkuar ekstradimin e tij nga Zvicra.

Ahmetaj deklaroi se ky ishte teatri i radhës që drejtohet nga qeveria për të mbuluar skandalet. Ahmetaj deklaroi se kërkesa për ekstradim është bërë më 18 gusht 2023.

Ndërsa përsa i përket transaksionit Ahmetaj tha se letërporosia nga Austria ka ardhur në muajin maj dhe nuk ka lidhje me të.

Ish.zv. kryeministri tha se ndaj tij po bëhet gjyq publik stil Gestapoje dhe po përpiqen ta akuzojnë për korrupsion kur ai nuk ka firmosur dhe nuk ka qenë drejtues i një autoriteti kontraktor.

 

"Sot ishte teatri i radhës që bën struktura që drejtohet nga qeveria për të mbuluar tymnajën e skandaleve.

Më herët kam sqaruar edhe përfshirjen e SPAK në tentativën për të më arrestuar. Ka tentativa për të më eliminuar fizikisht. Të gjithë më thonë se po të ishte jëtu s’do të ishe gjallë. Nuk mbahem për trim por për familjen do të jem i drejtë dhe sqarues.

Lajmi ka dalë nga të njëjtat dyet, shpresoj që SPAK të mos jetë i përfshirë.

Kërkesa për ekstradim është bërë më 18 gusht 2023, në kohë rekord përkthimi dhe dërgimi. Qytetarët i kanë parë vonesat në sigurimin, garantimin, ruajtjen e provave por asnjë vonesë për të kërkuar ekstradimin. Urgjenca në rastin tim ka qenë shembullore.

Po në vazhdën e tymnajës është një pseudotransaksion, po të ketë një transaksion le të dalë. Letërporosia që ka kërkuar Elvin Gokaj ka ardhur në muajin maj dhe prokurori ka thënë se s’ka lidhje me mua dhe ka zero transaksion.

Mediat harrojnë se mungojnë paratë e inceneratorëve, Eco Park, që mungojnë urat, që mungojnë paratë e Bechetti-t.

Partia Socialiste nuk ka lidhje me këtë ajo është e mpirë, sepse i turren PS-së. Partia Socialiste dhe organizata janë të ndryshme, do ta bëjmë debatin po të na lërë Zoti.

Prokurori Elvin Gokaj ka thënë se i ka ndarë çështjet. Nëse unë do të kisha bërë një gjysmë B do të isha varur.

Elvin Gokaj po e bën këtë sepse po kandidon për kre të SPAK. Le ta sjellë sot letërporosinë, ai e ka thënë se është transaksion që ka bërë biznesmeni me Austrinë.

Ka vetëm një kërkesë për ekstradim dhe zero transaksion. Ka vetëm një kërkesë fillestare dhe e bërë për tymnajë.

Po bëhet gjyq publik stil Gestapoje, në vend të drejtësisë ka statistikë, thuhet se nuk iu rruhet dhe të plasin kokën në gjykatë. Këto janë tentativa për të më akuzuar për korrupsion edhe kur unë nuk kam firmosur dhe nuk kam qenë autoritet kontraktor", deklaroi Ahmetaj./CNA





Lajmet e fundit nga