web counter
LEXO PA REKLAMA!

SHKARKO APP

App Store
Google Play

E fundit!

x

Kallëzim për drejtoreshën e Tatimeve në Korçë: Prej 5 vitesh e komanduar në shkelje të ligjit

17 Prill 2024, 13:47, Aktualitet CNA
Kallëzim për drejtoreshën e Tatimeve në Korçë:
Albert Nasto

Kryetari i shoqatës së biznesit të vogël e të mesëm të Shqipërisë, Albert Nasto ka dalë në një deklaratë për mediat duke hedhur akuza të forta kundrejt Drejtorisë së Tatimeve dhe drejtueses së këtij institucioni Daniela Liço. Nasto u ndal në disa nga çështjet më kryesore që shqetësojnë bizneset në qarkun e Korçës e më gjerë.

Fillimisht ai ka theksuar faktin se drejtoresha Liço ka 5 vite në këtë detyrë si e komanduar ndërkohë që ligji e lejon që të jetë vetëm 1 vit, pasi vetëm e emëruar mund të zgjatë kaq vite.

Informaliteti është një tjetër aspekt që prek bizneset, përfshirë këtu korrupsionin, evazionin fiskat, mitmarrjen dhe selektivitetin. Sipas Nastos të ardhurat që vijnë nga bizneset janë me miliona lek por nuk futen në buxhetin e shtetit.

Selektiviteti është një tjetër problematikë që shqetëson bizneset në qarkun juglindor, ndërsa nga të dhënat e kësaj shoqate thuhet se ka edhe presione nga institucioni që kanë ccuar në mbylljen e aktivitetit.

Ndër të tjera, Nasto konstaton se do të denoncojnë në SPAK këtë situatë, e më konkretisht drejtuesen e këtij institucioni, duke bërë thirrje edhe drejt kryeministrit Edi Rama për të marrë masa sa më parë.

Pritet që së shpejti të bëhet depozitimi i kallëzimit në Spak për shpërdorim detyre të drejtueses së drejtorisë së tatim taksave në qarkun e Korçës./CNA 





Lajmet e fundit nga