web counter
LEXO PA REKLAMA!

SHKARKO APP

App Store
Google Play

E fundit!

x

Jo vetëm LZHK/ Edhe PS kërkon votim elektronik në Tiranë

16 Tetor 2024, 16:37, Aktualitet CNA
Jo vetëm LZHK/ Edhe PS kërkon votim elektronik në Tiranë
Selia e PS-së

Kreu i LZHK-së, Dashamir Shehi, i kërkoi këtë të mërkurë Komisionit Qendror të Zgjedhjeve që votimin elektronik ta shtrijë edhe në Tiranë, krahas Durrësit dhe Elbasanit.

Të njëjtën kërkesë e ka bërë edhe Partia Socialiste.

PS, në kthim përgjigjen ndaj KQZ-së, deklaron se qarku i Tiranës prodhon një numër të konsiderueshëm mandatesh dhe fleta e votimit do të krijonte pengesa.

Sipas socialistëve, votimi elektronik do të sillte lehtësira jo vetëm në procesin e votimit por dhe në shpalljen e rezultatit përfundimtar.

Në rast pamundësie të përfshirjes së tre qarqeve, PS kërkon që zhvillimi elektronik të zhvillohet në qarkun e Tiranës.

“Tirana, si qarku më i madh në Shqipëri prodhon një numër të konsiderueshëm mandatesh (37 mandate në listat shumëemërore të hapura). Nisur nga ky fakt, fleta e votimit do të administrohej me vështirësi nga votuesit dhe do të krijonte pengesa objektive, duke krijuar konfuzion në procesin e votimit.

Nga ana tjetër, votimi elektronik do të sillte lehtësira jo vetëm në procesin e votimit por dhe në shpalljen e rezultatit përfundimtar, i cili në këtë rast do të konsiderohet i drejtë dhe pa pretendime për pavlefshmëri që rrjedhin nga numërimi i votave.

Tashmë votimi elektronik është një procesi i njohur nga qytetarët e Republikës së Shqipërisë. Nisur nga fakti që Tirana, e para ka realizuar modelin pilot të identifikimit, votimit dhe numërimit elektronik në zgjedhjet e vitit 2021, njësia 10, është krijuar një eksperiencë nga qytetarët në këtë proces.

Nga ana tjetër, është fakt se qarku Tiranë, ofron të gjitha kushtet optimale sa i takon burimeve njerëzore dhe infrastrukturës në tërësippër realizimin me sukses të këtij procesi.

Vlen për tu përmendur, afërsia e KQZ me zonat zgjedhore, pasi do të jetë kjo e fundit që do të trajnojë aktorët dhe do të ofrojë shërbimin për realizimin efektiv të këtij procesi.

Nëse nga ana juaj shihet e pamundur përfshirja e tre qarqeve në votimin elektronik, për shkak të kohës që keni në dispozicion deri në dekretimin e dates së zgjedhjeve për Kuvendin e Shqipërisë, ju propozojmë që të miratoni si qark të vetëm, qarkun  Tiranë, ku do të zhvillohet votimi elektronik.

Për të gjitha arsyet e parashtruata më sipër, propozojmë përfshirjen e qarkut Tiranë, krahas qarkut Elbasan dhe Durrës në zhvillimin e votimit elektronik.

Në rast pamundësie të përfshirjes së tre qarqeve, kërkojmë që zhvillimi elektronik të zhvillohet në qarkun e Tiranës”, theksohet në shkresën e PS-së.

Kujtojmë se KQZ ka planifikuar që votimin elektronik ta shtrijë vetëm në qarqet e Durrësit dhe të Elbasanit, por kjo është kundërshtuar nga partitë politike./ CNA





Lajmet e fundit nga