web counter
LEXO PA REKLAMA!

SHKARKO APP

App Store
Google Play

E fundit!

x

Interpelancë me Kumbaron dhe raporti i KLSH-së/ Nesër, Kuvendi, çfarë pritet të ndodhë

16 Tetor 2024, 14:23, Aktualitet CNA

Interpelancë me Kumbaron dhe raporti i KLSH-së/ Nesër, Kuvendi,

Ditën e nesërme do të mbahet seanca e radhës parlamentare ku në rendin e ditës përfshihen pikat si interpelanca me ministren Mirela Kumbaro e thirrur nga deputeti Agron Shehaj si dhe raporti vjetor i KLSH-së.

Opozita nga ana tjetër ka deklaruar se do të marrë pjesë në Kuvend por po ashtu që do të vijojë me mosbindjen civile, ndonëse shumica e deputetëve janë përjashtuar për shkak të tensioneve në seancat e mëparshme.

Ata do të paraqiten në Kuvend dhe do të tentojnë të hyjnë në sallën e Kuvendit, ndërkohë nga ana tjetër Garda ka marrë masa për zbatimin e rregullores së Kuvendit.

Duket se tensionet do të jenë të pashmangshme një skenar i opozitës të cilin e kemi parë dhe më herët.

Rendi i ditës

Në mbështetje të urdhrit nr. 72, datë 15.10.2024 të Kryetares së Kuvendit, znj. Elisa Spiropali, rendi i ditës është si më poshtë vijon:

1. Miratimi i procesverbalit të seancës plenare të datës 3.10.2024. (Neni 44, pika 2, të Rregullores së Kuvendit)

2. Njoftime

3. Interpelancë me ministren e Turizmit dhe Mjedisit, zonjën Mirela Kumbaro, kërkuar nga deputeti z. Agron Shehaj.

4. Raporti për veprimtarinë vjetore të Kontrollit të Lartë të Shtetit për vitin 2023.

(Neni 164, pika 2 Kushtetutë, neni 31 i ligjit nr. 154/2014 “Për organizimin dhe funksionimin e Kontrollit të Lartë të Shtetit, neni 103 i Rregullores, shumicë e thjeshtë votash për miratimin e projektrezolutës). Paraqitja e raportit nga kryetari i KLSH, z. Arben Shehu - jo më shumë se 20 minuta

5. Projektligji “Për disa ndryshime dhe shtesa në ligjin nr. 10 465, datë 29.9.2011,“Për shërbimin veterinar në Republikën e Shqipërisë””, i ndryshuar. (Në mbështetje të neneve 78, dhe 83, pika 1, të Kushtetutës, dhe neneve 55, dhe 73- 77 të Rregullores, shumicë e thjeshtë votash për miratim)

6. Projektligji “Për disa ndryshime dhe shtesa në ligjin nr. 10448, datë 14.7.2011, “Për lejet e mjedisit””, i ndryshuar.

7. Projektvendimi “Për zgjedhjen e anëtarit të Këshillit të Lartë Gjyqësor nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë", i ndryshuar, raundi i tretë.

8. Projektvendimi “Për zgjedhjen e anëtarit të Këshillit të Lartë të Prokurorisë nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë", i ndryshuar, raundi i tretë.

9. Projektvendimi “Për emërimin e anëtarit të Bordit të Autoritetit të Mbikëqyrjes Financiare, që do të mbajë funksionin e kryetarit të Bordit”.(Në mbështetje të nenit 78 të Kushtetutës, neneve 5 dhe 6, të ligjit nr. 9572, date 3.7.2006, "Për Autoritetin e Mbikëqyrjes Financiare", të ndryshuar, si dhe nenit 111 të Rregullores së Kuvendit).

10. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)/ CNA





Lajmet e fundit nga