web counter
LEXO PA REKLAMA!

SHKARKO APP

App Store
Google Play

Erion Braçe bën “xhandarin” në Komisionin për Dezinformimin, ngre tonet ndaj kryetares së AMA-s

16 Tetor 2024, 13:05, Aktualitet CNA
Erion Braçe bën “xhandarin” në Komisionin për
Erion Brace

Sot në Komisionin e Posaçëm për Dezinformimin po zhvillohet seancë dëgjimore me kryetaren e AMA-s, Armela Krasniqi në lidhje me dezinformimin apo lajmet e rreme në mediat online.

Braçe ka marrë rolin e “xhandarit” duke i treguar kryetares së AMA-s se kur mund të flasë dhe për çfarë duhet të flasë.

Me tone të larta , Braçe i është drejtuar kryetares së AMA-s, Armela Krasniqi, që nuk kanë marrë asnjë përgjegjësi në rastet ku mediat kanë dezinformuar.

“Nuk jemi ne që hetojmë kush fshihet pas një emri.

Nuk kemi asnjë strukturë hetimore dhe asnjë përgjegjësi hetimore, duhet të jenë organe të tjera që duhet të hyjnë me forcë në këtë aspekt.

AMA nuk ka as ekspertizën e SHIK, të Prokurorisë, as të Ministrisë. Ne jemi rregullator nëse Ministria e Jashtme dhe e Mbrojtjes shikon që ka një gjë të pavërtetë duhet ta referojë në institucionin tonë. Ne çojmë kërkesa institucioneve përkatëse nuk jemi ne autoriteti që ndan të vërtetën nga gënjeshtra. Nuk e kemi ne mundësi. Nga mund ta dijë AMA nga zyra se ca është lajmi?

Kemi vendosur 27 gjoba nuk bëhet fjalë për intimidim. Nëse ju vini re diçka duhet ta referoni në institucion.Ne nuk jemi polici.Institucioni rregullator nuk është kryeredaktor në asnjë media.Ne monitorojmë përmbajtjen e mediave.

Kemi të njëjtin parim çfarë është e dëmshme dhe e paligjshme në offline është e dëmshme dhe e paligjshme dhe në mediat online.

Sa i takon përgënjeshtrimit Këshilli i Ankesave vepron kur kemi ankesa të rasteve të mospublikimit të përgënjeshtrimit”, iu përgjigj Krasniqi./ CNA





Lajmet e fundit nga