web counter
LEXO PA REKLAMA!

SHKARKO APP

App Store
Google Play

E fundit!

x

Ditmir Bushati shkund Ervin Hoxhën dhe Ilir Prodën/ “Të tregojnë grupet kriminale që operojnë në Shqipëri”

16 Tetor 2024, 08:50, Aktualitet CNA
Ditmir Bushati shkund Ervin Hoxhën dhe Ilir Prodën/ “Të
Ish-ministri i Jashtëm, Ditmir Bushati

Ish-ministri i Jashtëm, Ditmir Bushati ka folur me kritika të ashpra ndaj ministrit të Brendshëm Ervin Hoxha dhe kreut të Policisë së Shtetit Ilir Proda.

I ftuar në emisionin e Erla Mëhillit, Bushati u shpreh se është shqetësues fakti që kemi një drejtor të ri në Policinë e Shtetit që nuk ka parashtruar asnjë objektiv në lidhje me atë që do të bëjë në krye të një institucioni të rëndësishëm siç është Policia e Shtetit.

Po ashtu thekson se ministri i Brendshëm duhet të marrë kurajon dhe të tregojë publikisht me emra grupet kriminale që operojnë në Shqipëri.

Nga ana tjetër Bushati nënvizoi se Policia e Shtetit duhet të tregojë se deri ku kanë shkuar hetimet për grupet e strukturuara kriminale në Shqipëri dhe jo të merren me 5 lekëshat e rrugëve.

“Mua më shqetëson fakti që, kemi një drejtor të ri të Policisë së Shtetit. A është normale që të mos ketë disa objektiva që t’i dijë opinion publik. Paraardhësi i tij në një deklaratë për mediat tha që jemi shumë pranë zbardhjes të një nga ngjarjeve që ka tronditur opinionin publik që është fati i Vis Martinajt që asnjë nuk e di cili është fati i tij. Tani kemi një drejtor të ri të policisë. Është zgjedhur sipas procedurave që mund të ketë përcaktuar ligji dhe kështu me radhë.

A është normale që në një vend me probleme të theksuara të krimit të organizuar që drejtori i policisë minimalisht duhet të ketë në objektivin e tij goditjen e grupeve të strukturuara  kriminale që operojnë në Shqipëri.

Ministri i Brendshëm duhet të ketë kurajo t’i thotë publikisht me emra se cilët janë grupet kriminale që janë në kërkim nga Policia e Shtetit.

Nuk bëj psikologun të them kush ka frikë, unë them që duhet të kemi objektiva të matshëm.

Pra në duhet të dimë në fushën e krimit të organizuar cilat janë hetimet e Policisë së Shtetit për grupet e strukturuara kriminale në Shqipëri, ku i kanë shtrirë tentakulat në ndërtim, në kazino, në baste, në turizëm, nuk e di se ku.

Kjo është ajo që thonë raportet ndërkombëtare. Atëherë Policia e Shtetit e ka për detyrë në gjykimin tim për të qenë proaktive në këtë drejtim jo për tu marrë me 5 lekëshat e rrugëve, jo për të punuar për statistikën. Ky është ndryshimi. Dhe ne si shoqëri do të fillojmë të dalim nga omertaja. Ku mediat do të dalin nga kodi i omertas, ku gazetarët do të tregojnë me gisht kolegun që është pjesë e llumit të caktuar. Këtë nuk mund ta bëjë as SPAK as GJKKO. Ky është një ndryshim që duhet të jetë gjeneracional. Ne jemi në zgripin e asaj që mund të na ndajë mes një të ardhme disa herë më të mirë dhe një tranzicioni si një gjendje e natyrshme dhe normale”, tha Bushati./ CNA





Lajmet e fundit nga