web counter
LEXO PA REKLAMA!

SHKARKO APP

App Store
Google Play

Atentati ndaj Gilmando Danit/ Klodiana Lala: Kundërshtarët e shihnin si njeriun më besnik të Shullazit

13 Nëntor 2025, 22:08, Aktualitet CNA

Atentati ndaj Gilmando Danit/ Klodiana Lala: Kundërshtarët e shihnin

Gazetarja Klodiana Lala ka ndarë sot informacione të reja lidhur me atentatin në afërsi të Rinasit ndaj Gilmando Danit.

E ftuar në emisionin "Të Paekspozuarit" me Ylli Rakipin, Lala tregoi se nga dyshimet e deritanishme, besohet se Dani ka qenë një ndër njerëzit më besnikë të Emiljano Shullazit.

Lala zbuloi edhe detaje nga jeta private e Danit, që sipas saj jetonte më së shumti në Barcelonë.

“Gilmando Dani kishte përfituar ulje dënimi dhe u lirua me kusht. Ka qenë i dënuar 12 vite për gjobëvënie. Bëhet fjalë për ish-hotel Vollgën që Shullazi me kërcënime kishte marrë 30% të pronës. Pati konflikt edhe për çështjen e zgjedhjes së rektorit të Universitetit të Tiranës.

Gilmando Dani doli nga burgu i Rrogozhinës në tetor 2024, ka ruajtur profil të ulët pas kësaj, nuk ishte përfolur. Por kundërshtarët e shihnin si mëkëmbësin e Shullazit. Ka qenë i tërhequr, në prag të martesës me një arkitekte. Jetonte në Barcelonë më së shumti. Dukej sikur kishte bërë hap pas. Në 15 vite iu bënë dy atentate mafioze, kishte një jetë shumë të trazuar, vitin e fundit ishte tërhequr, por kundërshtarët me sa duket e kanë parë si mëkëmbës të Shullazit.

Policia dhe prokuroria ka dyshime se pavarësisht profilit jo publik, ai ka vijuar të jetë njeriu më besnik i Shullazit. Para se të vritej, Shullazi përmes njerëzve të tij të besuar, e ka informuar të kishte kujdes për jetën, por me sa duket Gilmando Dani nuk ka marrë masat e duhura.

Pse e konsideroj ndër ngjarjet me të rënda? Për vendin e zgjedhur, pak metra nga terminali VIP, jo më shumë se 200 metra nga hyrja kryesore. Është vend që pretendohet të ketë sigurinë më të lartë kombëtare.

Po të shohësh si kanë vepruar, fakti që kanë qenë tre qitës, e kanë dashur me çdo kusht të ekzekutuar. Janë fikur dritat gjatë gjithë ditës, nuk ka patur kamera pjesa tjetër, kanë ndjekur rrugë të sigurtë për tu larguar. Ka qenë bashkëpunim i disa grupeve kriminale, dhe shumë i sofistikuar në nivel shumë të lartë.

Është shkëmbyer informacion me Barcelonën, pasi vinte nga atje dhe shoqërime të disa personave në zonën e Niklës, verifikime në Vlorë dhe Kamzë. Por shoqërimet nuk kanë dhënë ndonjë rezultatë të madh”,-tha Lala./CNA





Lajmet e fundit nga