web counter
LEXO PA REKLAMA!

SHKARKO APP

App Store
Google Play

E fundit!

x

Sulmi i frikshëm në Pragë/ 11 viktima, dhjetëra persona të plagosur

21 Dhjetor 2023, 17:09, Kosova & Bota CNA
Sulmi i frikshëm në Pragë/ 11 viktima, dhjetëra persona
Foto ilustruese

Policia çeke ka dhënë detaje në lidhje me sulmin në një universitet në Pragë.

Sipas informacioneve të publikuara në mediat e huaja, bëhet fjalë për 11 viktima dhe dhjetëra persona të plagosur.

Policia bëri me dije se personi i armatosur ishte "eliminuar" pas sulmit në Universitetin Charles, në sheshin Jan Palach në qendër të qytetit.

Pamjet nga vendi i ngjarjes tregonin njerëz që vareshin në muret e ndërtesës së universitetit, disa kate më lart.

Kryeministri Petr Fiala anuloi angazhimet pas ngjarjes tragjike. Një email drejtuar stafit në fakultetin e filozofisë të Universitetit Charles, i parë nga Reuters, paralajmëroi stafin për të shtënat.

“Qëndroni brenda, mos lëvizini, nëse jeni në zyra, mbyllini ato dhe vendosni mobiljet para derës, fikni dritat”, ishte mesazhi drejtuar personave që gjendeshin brenda universitetit.

Autoritetet thanë se i gjithë sheshi dhe disa rrugë përreth universitetit ishin të mbyllura.

Universiteti Charles ndodhet në qytetin e vjetër të Pragës, rreth 500 metra nga Ura historike e Karlit, një magnet turistik./ CNA





Lajmet e fundit nga