web counter
LEXO PA REKLAMA!

SHKARKO APP

App Store
Google Play

E fundit!

x

Kosovë/ Gjobitet me 1.56 milionë euro kompania në pronësi të Telecom Serbia

20 Dhjetor 2023, 22:15, Kosova & Bota CNA

Kosovë/ Gjobitet me 1.56 milionë euro kompania në pronësi

Autoriteti i Konkurrencës në Kosovë ka gjobitur me 1 milion, 563 mijë e 959.29 euro kompaninë MTS d.o.o., një prej operatorëve në fushën e telekomunikacionit, kompani që është në pronësi të Telecon Serbia.  

Në njoftimin e Autoritetit të Konkurrencës, kompania ndryshe nga sa parashikon ligji, nuk ka njoftuar për blerjen e 100 për qind të aksioneve të ndërmarrjeve: VGN NET d.o.o, LIKA d.o.o, PP. PRKDS-IMPULS në emër të I. R. – B.I. dhe Herc International.

Paratë e gjobës duhet të derdhen në llogarinë bankare të buxhetit të Kosovës.

Autoriteti i Konkurrencës kishte hapur dy procese të ndryshme ndaj MTS-së.

Rasti i parë, për të cilën ka shqiptuar gjobë, kishte të bënte me blerjen e katër operatorëve të tjerë të vegjël që ofrojnë po ashtu shërbime të integruara të internetit e televizionit kabllor pa e njoftuar Autoritetin e Konkurrencës.

Ndërsa e dyta ka të bëjë me atë se po synohet edhe blerja e operatorit “Net Plus” të Graçanicës me mbi 30 për qind të tregut në këtë komunë.

 MTS d.o.o. – kompania simotër e operatorit shtetëror të telekomunikacionit të Serbisë, “Telekom Serbia", që është themeluar më 2015 në bazë të Marrëveshjes së Brukselit, që Kosova dhe Serbia arritën në kuadër të dialogut për normalizimin e raporteve, muaj më parë i ishte hequr licenca./ CNA





Lajmet e fundit nga