E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Kreshnik Ahmeti: Greqia është një hap afër njohjes së Kosovës

20 Dhjetor 2023, 21:58, Kosova & Bota CNA

Kreshnik Ahmeti: Greqia është një hap afër njohjes së

Zëvendësministri i Punëve të Jashtme dhe Diasporës, Kreshnik Ahmeti, ka deklaruar se Kosova ka shënuar sukses në diplomacinë e jashtme gjatë këtij viti.

Ai ka paralajmëruar Kosova është afër njohjes nga Greqia dhe se këto dy vende kanë afruar raportet.

Sipas Ahmetit, vitin e ardhshëm Kosova do të hapë misionin e parë në Poloni, si dhe misione të tjera pritet të realizohen.

“Është punuar në sjelljen e njohjeve të reja. Ka pasur progres jashtëzakonisht të veçantë me Greqinë, ku përpos që kemi ngritur statusin e Zyrës tonë që nënkuptonte formalizim të marrëdhënieve të Zyrës sonë atje dhe Ministrisë së Punëve të Jashtme, kemi filluar që të nënshkruajmë edhe dokumente të përbashkëta...Pra, Greqia është një hap afër njohjes për mendimin tim. Në kontekstin aktual, Republika e Kosovës, politika e jashtme e saj, nuk mund të vlerësohet vetëm tek numri i njohjeve se tashmë jemi etabluar si realitet në arenën ndërkombëtare, duke mos thënë që ajo nuk është e rëndësishme, por nuk është çelësi i vetëm që mund të vlerësohet”, tha Kreshnik Ahmeti.

Ai thotë se diplomacia kosovare aktualisht është stabile. Sa I përket procesit të dialogut me Serbinë nuk pritet të lidhet me anëtarësimin e Kosovës në Këshillin e Evropës.

“Faza ku regjimi i vizave më nuk do të ekzistojë për qytetarët e Kosovës për vizita afatshkurta po afrohet pas një kohe jashtëzakonisht të gjatë, sukses i qeverisjes së mirë të kësaj qeverie...Nuk pres që të ketë lëvizje të mëdha si rezultat i liberalizimit. Rregullat janë të qarta, e pos që ka qenë temë për një kohë të gjatë e rregullat dihen, ka qenë një fushatë nga Qeveria në 30 komuna ku është bërë fushatë të njoftohen qytetatët çka nënkupton liberalizimi. Nuk shoh mundësi të lidhet procesi i dialogut në Bruksel në mënyrë formale me raportin e juristëve në Këshillin e Evropës pasi janë organizata të ndara...Çështjet që adresohen janë të kontekstit të rajonit. Kosova nuk qëndron më keq se vendet që janë anëtare të Këshillit të Evropës”, u shpreh ai./ CNA