web counter
LEXO PA REKLAMA!

SHKARKO APP

App Store
Google Play

Holta Zaçajt i mbaroi mandati/ Nisin procedurat për zgjedhjen e kryetarit të ri të Gjykatës Kushtetuese

2 Dhjetor 2025, 18:11, Aktualitet CNA

Holta Zaçajt i mbaroi mandati/ Nisin procedurat për zgjedhjen e

Pas përfundimit të mandatit Gjykata Kushtetuese ka nisur procedurat për zgjedhjen e kryetarit të ri të këtij institucioni.

“Mbledhja e Gjyqtarëve e Gjykatës Kushtetuese, e thirrur nga kryesuesja zonja Marsida Xhaferllari, bazuar në nenin 7/d të ligjit nr. 8577, datë 10.2.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, dhe neneve 9 dhe 10 të Rregullores për Procedurat Gjyqësore të Gjykatës Kushtetuese, me vendimin nr. 11, datë 02.12.2025 ka vendosur:

Fillimin e procedurave për zgjedhjen e Kryetarit të Gjykatës Kushtetuese.

Kërkesa me shkrim për shprehje interesi nga gjyqtarët mund të paraqitet jo më vonë se 5 ditë nga hyrja në fuqi e këtij vendimi.

Ky vendim hyn në fuqi menjëherë”, njofton Kushtetuesja./ CNA

Holta Zaçaj në përfundim të mandatit të saj si anëtare dhe kryetare e Gjykatës Kushtetuese bëri publik bilancin e mandatit të saj trevjeçar, duke vlerësuar periudhën 2023–2025 si një etapë të rëndësishme reformuese për institucionin më të lartë garantues të Kushtetutës në vend.

Në deklaratën e saj të lamtumirës, Zaçaj theksoi se mandati i saj përkoi me një fazë të ngarkuar me sfida, mes të cilave më kryesorja ishte çështja e kohëzgjatjes së mandateve të gjyqtarëve kushtetues, një çështje që, sipas saj, prekte drejtpërdrejt pavarësinë e institucionit dhe sigurinë juridike./ CNA





Lajmet e fundit nga