web counter
LEXO PA REKLAMA!

SHKARKO APP

App Store
Google Play

Komisioni i “Zgjedhores”/ Bylykbashi: Një nga problemet e mëdha në zgjedhje, vota e diasporës

2 Dhjetor 2025, 13:50, Aktualitet CNA

Komisioni i “Zgjedhores”/ Bylykbashi: Një nga problemet e

Bashkëkryetari i Komisionit për Reformën Zgjedhore, Oerd Bylykbashi, u shpreh gjatë fjalës së tij se sistemi zgjedhor sot është i njëanshëm dhe jo i dakordësuar nga palët.

Bylykbashi theksoi se një nga problemet më të mëdha në zgjedhjet e fundit ishte vota e diasporës. Ai foli më tej edhe për raportin e ODIHR-it për zgjedhjet ku tha se u evidentua qartë përfshirja totale e shtetit në zgjedhje.

“Kemi përfshirë diskutimin e sistemit zgjedhor jo vetëm për ndryshimet në hartën territoriale, por edhe për faktin që debati duhet të jetë i plotë. Shqiptarët duhet të kenë mundësinë të kenë një debat të plotë eventualisht. Sistemin zgjedhor duhet ta kenë të dakordësuar palët. Sot nuk është. Sot është i njëanshëm. Një nga problemet e mëdha në zgjedhje ishte vota e diasporës. Një nga gjërat kryesore që patëm në këto zgjedhje ishte ndikimi masiv i votës së emigrantëve mbi rezultatin, por nga ana tjetër hallkat e ndërmjetme që prodhuan dështime masive. Po kthehem te pika kryesore. Raporti i ODIHR-it ka dhënë me një qartësi të rrallë në raport me raportet e tjera, çështjen kryesore që përballet në zgjedhje: Shteti në zgjedhje. Partia-shtet. Përdorimi total i administratës publike si basen votash dhe mekanizëm patronazhimi. Ne duhet që rekomandimet e ODIHR-it t'i kemi temë prioritare për sa i përket debatit këtu”, tha Bylykbashi.





Lajmet e fundit nga